헬라어 문장 검색 - ΠολψβίΗιστορί04́023́

(폴리비오스, Histories, book 4, chapter 23)

ἀπεχώρησαν πρὸσ τὸν Φίλιππον. ταῦτα δὲ πράξαντεσ εὐθέωσ ἔπεμπον οἱ προεστῶτεσ ἔφοροι τῶν πραγμάτων τοὺσ κατηγορήσοντασ πρὸσ τὸν Φίλιππον τῶν ἀνῃρημένων καὶ παρακαλέσοντασ αὐτὸν ἐπισχεῖν τὴν παρουσίαν, ἑώσ ἂν ἐκ τοῦ γεγονότοσ κινήματοσ εἰσ τὴν ἀποκατάστασιν ἔλθῃ τὰ κατὰ τὴν πόλιν· γινώσκειν δὲ διότι πρόκειται διατηρεῖν αὐτοῖσ πάντα τὰ δίκαια καὶ φιλάνθρωπα πρὸσ Μακεδόνασ· οἳ καὶ συμμίξαντεσ ἤδη περὶ τὸ Παρθένιον ὄροσ ὄντι τῷ βασιλεῖ διελέχθησαν ἀκολούθωσ ταῖσ ἐντολαῖσ.

ὁ δὲ διακούσασ παρεκάλεσε τοὺσ ἥκοντασ κατὰ σπουδὴν ποιήσασθαι τὴν εἰσ οἶκον ἐπάνοδον καὶ δηλοῦν τοῖσ ἐφόροισ ὅτι κατὰ τὸ συνεχὲσ πορευθεὶσ αὐτὸσ μὲν ἐν Τεγέᾳ ποιήσεται τὴν στρατοπεδείαν, ἐκείνουσ δ’ οἰέται δεῖν τὴν ταχίστην ἐκπέμπειν ἄνδρασ ἀξιοχρέουσ τοὺσ κοινολογησομένουσ πρὸσ αὑτὸν ὑπὲρ τῶν ἐνεστώτων.

πάντα δ’ ὑπισχνοῦνται ποιήσειν αὐτοὶ τῷ Φιλίππῳ τὰ κατὰ τὴν συμμαχίαν, καὶ μηδενὸσ ἐν μηδενὶ φανήσεσθαι δεύτεροι κατὰ τὴν πρὸσ αὐτὸν εὔνοιαν τῶν δοκούντων ἀληθινῶν αὐτῷ φίλων ὑπάρχειν.

οἱ μὲν οὖν Λακεδαιμόνιοι ταῦτα καὶ τούτοισ παραπλήσια διαλεχθέντεσ μετέστησαν, οἱ δὲ μετέχοντεσ τοῦ συνεδρίου διεφέροντο πρὸσ ἀλλήλουσ ταῖσ γνώμαισ.

καὶ τινὲσ μέν, εἰδότεσ τὴν κακοπραγμοσύνην τῶν ἐν τῇ Σπάρτῃ, καὶ πεπεισμένοι τοὺσ περὶ τὸν Ἀδείμαντον ἀπολωλέναι διὰ τὴν πρὸσ αὑτοὺσ εὔνοιαν, τούσ τε Λακεδαιμονίουσ ἐπιβεβλῆσθαι κοινοπραγεῖν τοῖσ Αἰτωλοῖσ, συνεβούλευον τῷ Φιλίππῳ παράδειγμα ποιῆσαι τοὺσ Λακεδαιμονίουσ, χρησάμενον αὐτοῖσ τὸν αὐτὸν τρόπον ὅνπερ Ἀλέξανδροσ ἐχρήσατο Θηβαίοισ εὐθέωσ παραλαβὼν τὴν ἀρχήν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 4, chapter 23

(폴리비오스, Histories, book 4, chapter 23)

상위

목록

SEARCH

MENU NAVIGATION