Polybius, Histories, book 4, chapter 73

(폴리비오스, Histories, book 4, chapter 73)

τὸν τρόπον. οἱ δὲ παραφυλάττοντεσ τὸν Λασιῶνα τῶν Ἠλείων, συνέντεσ τὴν παρουσίαν τῶν Μακεδόνων, πεπυσμένοι δὲ καὶ τὰ γεγονότα περὶ τὴν Ψωφῖδα, παραχρῆμα τὴν πόλιν ἐξέλιπον. ὁ δὲ βασιλεὺσ ὡσ θᾶττον ἧκε, ταύτην μὲν ἐξ ἐφόδου παρέλαβε, συναύξων δὲ τὴν πρόθεσιν, ἣν εἶχε πρὸσ τὸ ἔθνοσ, παρέδωκε καὶ τὸν Λασιῶνα τοῖσ Ἀχαιοῖσ.

ὁμοίωσ δὲ καὶ τὴν Στράτον ἐκλιπόντων τῶν Ἠλείων ἀποκατέστησε τοῖσ Τελφουσίοισ. ταῦτα δὲ διαπραξάμενοσ ἧκε πεμπταῖοσ εἰσ Ὀλυμπίαν.

θύσασ δὲ τῷ θεῷ καὶ τοὺσ ἡγεμόνασ ἑστιάσασ, ἅμα δὲ καὶ τὴν λοιπὴν προσαναπαύσασ δύναμιν ἐπὶ τρεῖσ ἡμέρασ, μετὰ ταῦτα πάλιν ἀνέζευξε. καὶ προελθὼν εἰσ τὴν Ἠλείαν τὰσ μὲν προνομὰσ ἐπαφῆκε κατὰ τῆσ χώρασ, αὐτὸσ δὲ κατεστρατοπέδευσε περὶ τὸ καλούμενον Ἀρτεμίσιον.

προσδεξάμενοσ δ’ ἐνταῦθα τὴν λείαν μετέβη πάλιν ἐπὶ τὸ Διοσκούριον.

δῃουμένησ δὲ τῆσ χώρασ, πολὺ μὲν ἦν τὸ τῶν ἁλισκομένων πλῆθοσ, ἔτι δὲ πλέον τὸ συμφεῦγον εἰσ τὰσ παρακειμένασ κώμασ καὶ τοὺσ ἐρυμνοὺσ τῶν τόπων. συμβαίνει γὰρ τὴν τῶν Ἠλείων χώραν διαφερόντωσ οἰκεῖσθαι καὶ γέμειν σωμάτων καὶ κατασκευῆσ παρὰ τὴν ἄλλην Πελοπόννησον.

ἔνιοι γὰρ αὐτῶν οὕτωσ στέργουσι τὸν ἐπὶ τῶν ἀγρῶν βίον ὥστε τινὰσ ἐπὶ δύο καὶ τρεῖσ γενεάσ, ἔχοντασ ἱκανὰσ οὐσίασ, μὴ παραβεβληκέναι τὸ παράπαν εἰσ ἁλίαν.

τοῦτο δὲ γίνεται διὰ τὸ μεγάλην ποιεῖσθαι σπουδὴν καὶ πρόνοιαν τοὺσ πολιτευομένουσ τῶν ἐπὶ τῆσ χώρασ κατοικούντων, ἵνα τό τε δίκαιον αὐτοῖσ ἐπὶ τόπου διεξάγηται καὶ τῶν πρὸσ βιωτικὰσ χρείασ μηδὲν ἐλλείπῃ.

일치하는 문장이 없습니다.

SEARCH

MENU NAVIGATION