Polybius, Histories, book 4, chapter 30

(폴리비오스, Histories, book 4, chapter 30)

Ὁ μὲν οὖν Φίλιπποσ περὶ ταῦτα διέτριβεν. οἱ δ’ ἐξαποσταλέντεσ πρέσβεισ πρὸσ τοὺσ συμμάχουσ, ἀφικόμενοι πρῶτον εἰσ Ἀκαρνανίαν ἐνετύγχανον τούτοισ. οἱ δ’ Ἀκαρνᾶνεσ τό τε δόγμα γνησίωσ συνεπεκύρωσαν καὶ τὸν ἀπὸ χώρασ πόλεμον ἐξήνεγκαν τοῖσ Αἰτωλοῖσ·

καὶ διὰ τὸ παρακεῖσθαι μὲν συντερμονοῦντασ τῇ τῶν Αἰτωλῶν χώρᾳ, πολὺ δὲ μᾶλλον διὰ τὸ κατ’ ἰδίαν εὐχειρώτουσ ὑπάρχειν, τὸ δὲ μέγιστον διὰ τὸ μικροῖσ ἔμπροσθεν χρόνοισ πεῖραν εἰληφέναι τῶν δεινοτάτων διὰ τὴν πρὸσ Αἰτωλοὺσ ἀπέχθειαν.

ἀλλά μοι δοκοῦσιν οἱ γνήσιοι τῶν ἀνδρῶν καὶ κοινῇ καὶ κατ’ ἰδίαν οὐδέποτε περὶ πλείονοσ οὐθὲν ποιεῖσθαι τοῦ καθήκοντοσ·

ὅπερ Ἀκαρνᾶνεσ ἐν τοῖσ πλείστοισ καιροῖσ οὐδενὸσ τῶν Ἑλλήνων ἧττον εὑρίσκονται διατετηρηκότεσ, καίπερ ἀπὸ μικρᾶσ ὁρμώμενοι δυνάμεωσ. οἷσ οὐκ ὀκνητέον κατὰ τὰσ περιστάσεισ κοινωνεῖν πραγμάτων, σπευστέον δὲ μᾶλλον, εἰ καί τισιν ἑτέροισ τῶν Ἑλλήνων·

καὶ γὰρ ἰδίᾳ καὶ κοινῇ στάσιμον ἔχουσί τι καὶ φιλελεύθερον. Ἠπειρῶται δ’ ἐκ παραθέσεωσ διακούσαντεσ τῶν πρέσβεων τὸ μὲν δόγμα παραπλησίωσ ἐπεκύρωσαν, τὸν δὲ πόλεμον ἐκφέρειν ἐψηφίσαντο τοῖσ Αἰτωλοῖσ, ἐπειδὰν καὶ Φίλιπποσ ὁ βασιλεὺσ ἐξενέγκῃ.

τοῖσ δὲ παρὰ τῶν Αἰτωλῶν πρεσβευταῖσ ἀπεκρίθησαν ὅτι δέδοκται τοῖσ Ἠπειρώταισ διατηρεῖν πρὸσ αὐτοὺσ τὴν εἰρήνην, ἀγεννῶσ καὶ ποικίλωσ χρώμενοι τοῖσ πράγμασιν.

일치하는 문장이 없습니다.

SEARCH

MENU NAVIGATION