Polybius, Histories, book 4, chapter 27

(폴리비오스, Histories, book 4, chapter 27)

Κατὰ δὲ τοὺσ αὐτοὺσ καιροὺσ Αἰτωλοί, συνάψαντοσ τοῦ τῶν ἀρχαιρεσίων χρόνου, στρατηγὸν αὑτῶν εἵλοντο Σκόπαν, ὃσ ἐγεγόνει πάντων τῶν προειρημένων ἀδικημάτων αἴτιοσ. ὑπὲρ ὧν οὐκ οἶδα πῶσ χρὴ λέγειν.

τὸ γὰρ κοινῷ μὲν δόγματι μὴ πολεμεῖν, πανδημεὶ δὲ στρατεύοντασ ἄγειν καὶ φέρειν τὰ τῶν πέλασ, καὶ κολάζειν μὲν μηδένα τῶν αἰτίων, στρατηγοὺσ δ’ αἱρεῖσθαι καὶ τιμᾶν τοὺσ προεστῶτασ τῶν τοιούτων ἔργων, ἐμοὶ μὲν δοκεῖ τῆσ πάσησ γέμειν κακοπραγμοσύνησ· τί γὰρ ἂν ἄλλο τισ τὰσ τοιαύτασ κακίασ ὀνομάσειε;

δῆλον δ’ ἔσται τὸ λεγόμενον ἐκ τούτων. Λακεδαιμόνιοι τὴν Καδμείαν Φοιβίδου παρασπονδήσαντοσ τὸν μὲν αἴτιον ἐζημίωσαν, τὴν δὲ φρουρὰν οὐκ ἐξήγαγον, ὥσπερ λυομένησ τῆσ ἀδικίασ διὰ τῆσ τοῦ πράξαντοσ βλάβησ, παρὸν τἀναντία ποιεῖν·

τοῦτο γὰρ διέφερε τοῖσ Θηβαίοισ. πάλιν ἐκήρυττον ἀφιέντεσ τὰσ πόλεισ ἐλευθέρασ καὶ αὐτονόμουσ κατὰ τὴν ἐπ’ Ἀνταλκίδου γενομένην εἰρήνην, τοὺσ δ’ ἁρμοστὰσ οὐκ ἐξῆγον ἐκ τῶν πόλεων.

ἀνοίᾳ μετὰ κακίασ χρησάμενοι προφανῶσ διὰ τὸ δοκεῖν, ἐάν τισ αὐτὸσ ἐπιμύῃ, μηδὲ τοὺσ πέλασ ὁρᾶν.

ἀμφοτέροισ τοίνυν ὁ ζῆλοσ οὗτοσ τῆσ πολιτείασ αἴτιοσ κατέστη τῶν μεγίστων συμπτωμάτων·

ὃν οὐδαμῶσ οὐδαμῇ ζηλωτέον οὔτε κατ’ ἰδίαν οὔτε κοινῇ τοὺσ ὀρθῶσ βουλευομένουσ. ἀλλὰ πᾶσι τοῖσ Ἕλλησι διὰ τοῦ προειρημένου ψηφίσματοσ καλὰσ ἐλπίδασ ὑποδεικνύων πρᾳότητοσ καὶ μεγαλοψυχίασ βασιλικῆσ.

일치하는 문장이 없습니다.

SEARCH

MENU NAVIGATION