호흡부호 보기
강세부호 보기
장단부호 보기
작은 Iota 보기
모든 부호 보기
διὰ ταῦτα καὶ τοιαύτην ἔλαβε τὴν ἀρχήν. παρείλετο δὲ καὶ τὴν ἐπὶ τῆσ Ἀσίασ χώραν, ἣν κατεῖχον Βυζάντιοι τῆσ Μυσίασ πολλοὺσ ἤδη χρόνουσ.
οἱ δὲ Ῥόδιοι πληρώσαντεσ ναῦσ ἕξ, ἅμα δὲ ταύταισ παρὰ τῶν συμμάχων προσλαβόντεσ τέτταρασ, καὶ ναύαρχον προχειρισάμενοι Ξενόφαντον, ἔπλεον ἐφ’ Ἑλλησπόντου δέκα ναυσί.
καὶ ταῖσ μὲν λοιπαῖσ ὁρμοῦντεσ περὶ Σηστὸν ἐκώλυον τοὺσ πλέοντασ εἰσ τὸν Πόντον, μιᾷ δ’ ἐκπλεύσασ ὁ ναύαρχοσ κατεπείραζε τῶν Βυζαντίων, εἴ πωσ ἤδη μεταμελοῖντο καταπεπληγμένοι τὸν πόλεμον.
τῶν δ’ οὐ προσεχόντων ἀπέπλευσε καὶ παραλαβὼν τὰσ λοιπὰσ ναῦσ ἀπῆρε πάσαισ εἰσ τὴν Ῥόδον.
οἱ δὲ Βυζάντιοι πρόσ τε τὸν Ἀχαιὸν ἔπεμπον, ἀξιοῦντεσ βοηθεῖν, ἐπί τε τὸν Τιβοίτην ἐξαπέστελλον τοὺσ ἄξοντασ αὐτὸν ἐκ τῆσ Μακεδονίασ·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기