헬라어 문장 검색 - ΠολψβίΗιστορί04́048́

(폴리비오스, Histories, book 4, chapter 48)

Βυζαντίουσ. τὸ δὲ παραπλήσιον ἐποίουν καὶ Βυζάντιοι· πρόσ τε γὰρ Ἄτταλον καὶ πρὸσ Ἀχαιὸν ἔπεμπον πρέσβεισ, δεόμενοι σφίσι βοηθεῖν. ὁ μὲν οὖν Ἄτταλοσ ἦν πρόθυμοσ, εἶχε δὲ βραχεῖαν τότε ῥοπήν, ὡσ ἂν ὑπ’ Ἀχαιοῦ συνεληλαμένοσ εἰσ τὴν πατρῴαν ἀρχήν·

ὁ δ’ Ἀχαιόσ, κρατῶν μὲν τῆσ ἐπὶ τάδε τοῦ Ταύρου, βασιλέα δὲ προσφάτωσ αὑτὸν ἀναδεδειχώσ, ἐπηγγέλλετο βοηθήσειν.

ὑπάρχων δ’ ἐπὶ ταύτησ τῆσ προαιρέσεωσ, τοῖσ μὲν Βυζαντίοισ μεγάλην ἐλπίδα παρεσκεύαζε, τοῖσ δὲ Ῥοδίοισ καὶ Προυσίᾳ τἀναντία κατάπληξιν.

Ἀχαιὸσ γὰρ ἦν μὲν Ἀντιόχου συγγενὴσ τοῦ παρειληφότοσ τὴν ἐν Συρίᾳ βασιλείαν, ἐγκρατὴσ δ’ ἐγένετο τῆσ προειρημένησ δυναστείασ διά τινασ τοιαύτασ αἰτίασ.

Σελεύκου μεταλλάξαντοσ τὸν βίον, ὃσ ἦν Ἀντιόχου τοῦ προειρημένου πατήρ, διαδεξαμένου δὲ τὴν βασιλείαν Σελεύκου πρεσβυτάτου τῶν υἱῶν, ἅμα τούτῳ διὰ τὴν οἰκειότητα συνυπερέβαλε τὸν Ταῦρον, δυσὶ μάλιστά πωσ ἔτεσι πρότερον τῶν νῦν λεγομένων καιρῶν.

Σέλευκοσ γὰρ ὁ νέοσ ὡσ θᾶττον παρέλαβε τὴν βασιλείαν, πυνθανόμενοσ Ἄτταλον πᾶσαν ἤδη τὴν ἐπὶ τάδε τοῦ Ταύρου δυναστείαν ὑφ’ αὑτὸν πεποιῆσθαι, παρωρμήθη βοηθεῖν τοῖσ σφετέροισ πράγμασιν.

ὑπερβαλὼν δὲ μεγάλῃ δυνάμει τὸν Ταῦρον, καὶ δολοφονηθεὶσ ὑπό τ’ Ἀπατουρίου τοῦ Γαλάτου καὶ Νικάνοροσ, μετήλλαξε τὸν βίον.

Ἀχαιὸσ δὲ κατὰ τὴν ἀναγκαιότητα τὸν φόνον αὐτοῦ μετῆλθε παραχρῆμα, τοὺσ περὶ τὸν Νικάνορα καὶ τὸν Ἀπατούριον ἀποκτείνασ, τῶν τε δυνάμεων καὶ τῶν ὅλων πραγμάτων φρονίμωσ καὶ μεγαλοψύχωσ προέστη.

τῶν γὰρ καιρῶν παρόντων αὐτῷ, καὶ τῆσ τῶν ὄχλων ὁρμῆσ συνεργούσησ εἰσ τὸ διάδημα περιθέσθαι, τοῦτο μὲν οὐ προείλετο ποιῆσαι, τηρῶν δὲ τὴν βασιλείαν Ἀντιόχῳ τῷ νεωτέρῳ τῶν υἱῶν, ἐνεργῶσ ἐπιπορευόμενοσ ἀνεκτᾶτο τὴν ἐπὶ τάδε τοῦ Ταύρου πᾶσαν.

τῶν δὲ πραγμάτων αὐτῷ παραδόξωσ εὐροούντων, ἐπεὶ τὸν μὲν Ἄτταλον εἰσ αὐτὸ τὸ Πέργαμον συνέκλεισε, τῶν δὲ λοιπῶν πάντων ἦν ἐγκρατήσ, ἐπαρθεὶσ τοῖσ εὐτυχήμασι παρὰ πόδασ ἐξώκειλε.

καὶ διάδημα περιθέμενοσ καὶ βασιλέα προσαγορεύσασ αὑτὸν βαρύτατοσ ἦν τότε καὶ φοβερώτατοσ τῶν ἐπὶ τάδε τοῦ Ταύρου βασιλέων καὶ δυναστῶν·

ᾧ καὶ μάλιστα τότε Βυζάντιοι πιστεύσαντεσ ἀνεδέξαντο τὸν πρὸσ τοὺσ Ῥοδίουσ καὶ Προυσίαν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 48

(폴리비오스, Histories, book 4, chapter 48)

상위

목록

SEARCH

MENU NAVIGATION