호흡부호 보기
강세부호 보기
장단부호 보기
작은 Iota 보기
모든 부호 보기
Καταλαβὼν δὲ τοὺσ ἀπὸ τῶν συμμαχίδων παραγεγονότασ εἰσ τὴν Κόρινθον, συνήδρευε καὶ διελάμβανε μετὰ τούτων τί δεῖ ποιεῖν καὶ πῶσ χρήσασθαι τοῖσ Αἰτωλοῖσ. διακούσαντεσ τούτων οἱ τῶν συμμάχων σύνεδροι πάντεσ ὁμοθυμαδὸν ἐκφέρειν ἐβουλεύσαντο τοῖσ Αἰτωλοῖσ τὸν πόλεμον.
προθέμενοι δὲ τὰσ προειρημένασ αἰτίασ ἐν τῷ δόγματι παρακατεβάλοντο ψήφισμα, προσδιασαφοῦντεσ ὅτι συνανασώσουσι τοῖσ συμμάχοισ, εἴ τινα κατέχουσιν αὐτῶν Αἰτωλοὶ χώραν ἢ πόλιν ἀφ’ οὗ Δημήτριοσ ὁ Φιλίππου κατὰ φύσιν πατὴρ μετήλλαξε·
παραπλησίωσ δὲ καὶ τοὺσ ὑπὸ τῶν καιρῶν ἠναγκασμένουσ ἀκουσίωσ μετέχειν τῆσ Αἰτωλῶν συμπολιτείασ, ὅτι πάντασ τούτουσ ἀποκαταστήσουσιν εἰσ τὰ πάτρια πολιτεύματα, χώραν ἔχοντασ καὶ πόλεισ τὰσ αὑτῶν, ἀφρουρήτουσ, ἀφορολογήτουσ, ἐλευθέρουσ ὄντασ, πολιτείαισ καὶ νόμοισ χρωμένουσ τοῖσ πατρίοισ.
συνανακομιεῖσθαι δὲ καὶ τοῖσ Ἀμφικτύοσιν ἔγραψαν τοὺσ νόμουσ καὶ τὴν περὶ τὸ ἱερὸν ἐξουσίαν, ἣν Αἰτωλοὶ παρῄρηνται νῦν, βουλόμενοι τῶν κατὰ τὸ ἱερὸν ἐπικρατεῖν αὐτοί.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기