헬라어 문장 검색 - ΠολψβίΗιστορί04́020́

(폴리비오스, Histories, book 4, chapter 20)

ἄξιον βραχὺ διαπορῆσαι περὶ τῆσ Κυναιθέων ἀγριότητοσ, πῶσ ὄντεσ ὁμολογουμένωσ Ἀρκάδεσ τοσοῦτο κατ’ ἐκείνουσ τοὺσ καιροὺσ διήνεγκαν τῶν ἄλλων Ἑλλήνων ὠμότητι καὶ παρανομίᾳ. δοκοῦσι δέ μοι, διότι τὰ καλῶσ ὑπὸ τῶν ἀρχαίων ἐπινενοημένα καὶ φυσικῶσ συντεθεωρημένα περὶ πάντασ τοὺσ κατοικοῦντασ τὴν Ἀρκαδίαν, ταῦτα δὴ πρῶτοι καὶ μόνοι τῶν Ἀρκάδων ἐγκατέλιπον.

μουσικὴν γάρ, τήν γ’ ἀληθῶσ μουσικήν, πᾶσι μὲν ἀνθρώποισ ὄφελοσ ἀσκεῖν, Ἀρκάσι δὲ καὶ ἀναγκαῖον. οὐδὲ τοὺσ πρώτουσ Ἀρκάδων εἰσ τὴν ὅλην πολιτείαν τὴν μουσικὴν παραλαβεῖν ἐπὶ τοσοῦτον ὥστε μὴ μόνον παισὶν οὖσιν, ἀλλὰ καὶ νεανίσκοισ γενομένοισ ἑώσ τριάκοντ’ ἐτῶν κατ’ ἀνάγκην σύντροφον ποιεῖν αὐτήν, τἄλλα τοῖσ βίοισ ὄντασ αὐστηροτάτουσ.

ταῦτα γὰρ πᾶσίν ἐστι γνώριμα καὶ συνήθη, διότι σχεδὸν παρὰ μόνοισ Ἀρκάσι πρῶτον μὲν οἱ παῖδεσ ἐκ νηπίων ᾄδειν ἐθίζονται κατὰ νόμουσ τοὺσ ὕμνουσ καὶ παιᾶνασ, οἷσ ἕκαστοι κατὰ τὰ πάτρια τοὺσ ἐπιχωρίουσ ἡρ́ωασ καὶ θεοὺσ ὑμνοῦσι·

μετὰ δὲ ταῦτα τοὺσ Φιλοξένου καὶ Τιμοθέου νόμουσ μανθάνοντεσ πολλῇ φιλοτιμίᾳ χορεύουσι κατ’ ἐνιαυτὸν τοῖσ Διονυσιακοῖσ αὐληταῖσ ἐν τοῖσ θεάτροισ, οἱ μὲν παῖδεσ τοὺσ παιδικοὺσ ἀγῶνασ, οἱ δὲ νεανίσκοι τοὺσ τῶν ἀνδρῶν λεγομένουσ.

ὁμοίωσ γε μὴν καὶ παρ’ ὅλον τὸν βίον τὰσ ἀγωγὰσ τὰσ ἐν ταῖσ συνουσίαισ οὐχ οὕτωσ ποιοῦνται διὰ τῶν ἐπεισάκτων ἀκροαμάτων ὡσ δι’ αὑτῶν, ἀνὰ μέροσ ᾄδειν ἀλλήλοισ προστάττοντεσ.

καὶ τῶν μὲν ἄλλων μαθημάτων ἀρνηθῆναί τι μὴ γινώσκειν οὐδὲν αἰσχρὸν ἡγοῦνται, τήν γε μὴν ᾠδὴν οὔτ’ ἀρνηθῆναι δύνανται διὰ τὸ κατ’ ἀνάγκην πάντασ μανθάνειν, οὔθ’ ὁμολογοῦντεσ ἀποτρίβεσθαι διὰ τὸ τῶν αἰσχρῶν παρ’ αὐτοῖσ νομίζεσθαι τοῦτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 20

(폴리비오스, Histories, book 4, chapter 20)

상위

목록

SEARCH

MENU NAVIGATION