헬라어 텍스트

Polybius, Histories, book 4, chapter 15

(폴리비오스, Histories, book 4, chapter 15)

Ἦν δὲ τὰ δόξαντα τοῖσ Ἀχαιοῖσ ταῦτα· τὸν δὲ στρατηγὸν ἐπιλέξαι τῶν Ἀχαιῶν πεζοὺσ μὲν πεντακισχιλίουσ, ἱππεῖσ δὲ πεντακοσίουσ, καὶ βοηθεῖν τοῖσ Μεσσηνίοισ, ἐὰν ἐπιβαίνωσιν Αἰτωλοὶ τῆσ χώρασ αὐτῶν·

συντάξασθαι δὲ καὶ πρὸσ Λακεδαιμονίουσ καὶ πρὸσ Μεσσηνίουσ ὅσουσ δεήσοι παρ’ ἀμφοῖν ὑπάρχειν ἱππεῖσ καὶ πεζοὺσ πρὸσ τὰσ κοινὰσ χρείασ.

ὁ δὲ στρατηγὸσ τοὺσ μὲν ἐκ τῆσ Ἀχαί̈ασ ἄνδρασ ἐπέλεγε κατὰ τὸ δόγμα, πρὸσ δὲ τοὺσ Λακεδαιμονίουσ καὶ Μεσσηνίουσ συνετάττετο πεζοὺσ μὲν παρ’ ἑκατέρων ὑπάρχειν δισχιλίουσ καὶ πεντακοσίουσ, ἱππεῖσ δὲ πεντήκοντα καὶ διακοσίουσ, ὥστ’ εἶναι τὸ πᾶν σύστημα πρὸσ τὰσ ἐπιγινομένασ χρείασ πεζοὺσ μὲν μυρίουσ, ἱππεῖσ δὲ χιλίουσ.

παραγενομένησ αὐτοῖσ τῆσ καθηκούσησ ἐκκλησίασ, συνελθόντεσ ἐβουλεύσαντο πρόσ τε Λακεδαιμονίουσ καὶ Μεσσηνίουσ καὶ τοὺσ ἄλλουσ πάντασ εἰρήνην ἄγειν, κακοπραγμονοῦντεσ καὶ βουλόμενοι φθείρειν καὶ λυμαίνεσθαι τοὺσ τῶν Ἀχαιῶν συμμάχουσ·

πρὸσ αὐτοὺσ δὲ τοὺσ Ἀχαιούσ, ἐὰν μὲν ἀφιστῶνται τῆσ τῶν Μεσσηνίων συμμαχίασ, ἄγειν ἐψηφίσαντο τὴν εἰρήνην, εἰ δὲ μή, πολεμεῖν, πρᾶγμα πάντων ἀλογώτατον.

ὄντεσ γὰρ αὐτοὶ σύμμαχοι καὶ τῶν Ἀχαιῶν καὶ τῶν Μεσσηνίων, εἰ μὲν οὗτοι πρὸσ ἀλλήλουσ φιλίαν ἄγοιεν καὶ συμμαχίαν, τὸν πόλεμον τοῖσ Ἀχαιοῖσ ἐπήγγελλον·

ὥστε μηδ’ ὑπὸ λόγον πίπτειν τὴν ἀδικίαν αὐτῶν διὰ τὸ παρηλλαγμένον αὐτῶν τῶν ἐγχειρημάτων.