헬라어 문장 검색 - Παυσαν́Δεσξριπ́9́09́

(파우사니아스, Description of Greece, Βοιωτικά, chapter 9)

τὸν δὲ πόλεμον τοῦτον, ὃν ἐπολέμησαν Ἀργεῖοι, νομίζω πάντων, ὅσοι πρὸσ Ἕλληνασ ἐπὶ τῶν καλουμένων ἡρώων ἐπολεμήθησαν ὑπὸ Ἑλλήνων, γενέσθαι λόγου μάλιστα ἄξιον. ὁ μέν γε Ἐλευσινίων πρὸσ Ἀθηναίουσ τοὺσ ἄλλουσ, ὡσαύτωσ δὲ καὶ Θηβαίων πρὸσ Μινύασ, τήν τε ἔφοδον δι’ ὀλίγου τῶν ἐπιστρατευσαμένων καὶ ἐν μάχῃ παρέσχοντο μιᾷ τὴν κρίσιν, ἐσ ὁμολογίασ τε αὐτίκα ἐτράποντο καὶ σπονδάσ· ὁ δὲ Ἀργείων στρατὸσ ἐσ Βοιωτίαν τε μέσην ἀφίκετο ἐκ μέσησ Πελοποννήσου καὶ ὁ Ἄδραστοσ ἐξ Ἀρκαδίασ καὶ παρὰ Μεσσηνίων συμμαχικὰ ἤθροισεν, ὡσαύτωσ δὲ καὶ τοῖσ Θηβαίοισ μισθοφορικὰ ἦλθε παρὰ Φωκέων καὶ ἐκ τῆσ Μινυάδοσ χώρασ οἱ Φλεγύαι.

γενομένησ δὲ πρὸσ τῷ Ἰσμηνίῳ μάχησ ἐκρατήθησαν οἱ Θηβαῖοι τῇ συμβολῇ, καὶ ὡσ ἐτράποντο, καταφεύγουσιν ἐσ τὸ τεῖχοσ· ἅτε δὲ οὐκ ἐπισταμένων τῶν Πελοποννησίων μάχεσθαι πρὸσ τὸ τεῖχοσ, ποιουμένων δὲ θυμῷ μᾶλλον ἢ σὺν ἐπιστήμῃ τὰσ προσβολάσ, πολλοὺσ μὲν ἀπὸ τοῦ τείχουσ βάλλοντεσ φονεύουσιν αὐτῶν οἱ Θηβαῖοι, κρατοῦσι δὲ ὕστερον καὶ τοὺσ ἄλλουσ ἐπεξελθόντεσ τεταραγμένοισ, ὡσ τὸ σύμπαν στράτευμα πλὴν Ἀδράστου φθαρῆναι.

ἐγένετο δὲ καὶ αὐτοῖσ τὸ ἔργον οὐκ ἄνευ κακῶν μεγάλων, καὶ ἀπ’ ἐκείνου τὴν σὺν ὀλέθρῳ τῶν κρατησάντων Καδμείαν ὀνομάζουσι νίκην. ἔτεσι δὲ οὐ πολλοῖσ ὕστερον ὁμοῦ Θερσάνδρῳ στρατεύουσιν ἐπὶ τὰσ Θήβασ οὓσ Ἐπιγόνουσ καλοῦσιν Ἕλληνεσ·

δῆλοι δέ εἰσι καὶ τούτοισ οὐ τὸ Ἀργολικὸν μόνον οὐδὲ οἱ Μεσσήνιοι καὶ Ἀρκάδεσ ἠκολουθηκότεσ, ἀλλὰ καὶ ἔτι ἐκ Κορίνθου καὶ Μεγαρέων ἐπικληθέντεσ ἐσ τὴν συμμαχίαν· ἤμυναν δὲ καὶ Θηβαίοισ οἱ πρόσοικοι, καὶ μάχη πρὸσ Γλίσαντι ἀπὸ ἀμφοτέρων ἐγένετο ἰσχυρά.

τῶν δὲ Θηβαίων οἱ μὲν αὐτίκα ὡσ ἡττήθησαν ὁμοῦ Λαοδάμαντι ἐκδιδράσκουσιν, οἱ δὲ ὑπολειφθέντεσ πολιορκίᾳ παρέστησαν.

ἐποιήθη δὲ ἐσ τὸν πόλεμον τοῦτον καὶ ἔπη Θηβαί̈σ· τὰ δὲ ἔπη ταῦτα Καλλῖνοσ ἀφικόμενοσ αὐτῶν ἐσ μνήμην ἔφησεν Ὅμηρον τὸν ποιήσαντα εἶναι, Καλλίνῳ δὲ πολλοί τε καὶ ἄξιοι λόγου κατὰ ταὐτὰ ἔγνωσαν· ἐγὼ δὲ τὴν ποίησιν ταύτην μετά γε Ἰλιάδα καὶ τὰ ἔπη τὰ ἐσ Ὀδυσσέα ἐπαινῶ μάλιστα. πολέμου μὲν δή, ὃν Ἀργεῖοι καὶ Θηβαῖοι τῶν Οἰδίποδοσ παίδων ἕνεκα ἐπολέμησαν, ἐσ τοσόνδε ἔστω μνήμη·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Βοιωτικά, chapter 9

(파우사니아스, Description of Greece, Βοιωτικά, chapter 9)

상위

목록

SEARCH

MENU NAVIGATION