헬라어 문장 검색 - ΗεροδόΤηεΗιστ́8́008́

(헤로도토스, The Histories, book 8, chapter 8)

ἐν δὲ τούτῳ τῷ χρόνῳ ἐν ᾧ οὗτοι ἀριθμὸν ἐποιεῦντο τῶν νεῶν, ἦν γὰρ ἐν τῷ στρατοπέδῳ τούτῳ Σκυλλίησ Σκιωναῖοσ δύτησ τῶν τότε ἀνθρώπων ἄριστοσ, ὃσ καὶ ἐν τῇ ναυηγίῃ τῇ κατὰ Πήλιον γενομένῃ πολλὰ μὲν ἔσωσε τῶν χρημάτων τοῖσι Πέρσῃσι, πολλὰ δὲ καὶ αὐτὸσ περιεβάλετο· οὗτοσ ὁ Σκυλλίησ ἐν νόῳ μὲν εἶχε ἄρα καὶ πρότερον αὐτομολήσειν ἐσ τοὺσ Ἕλληνασ, ἀλλ’ οὐ γάρ οἱ παρέσχε ὡσ τότε. ὅτεῳ μὲν δὴ τρόπῳ τὸ ἐνθεῦτεν ἔτι ἀπίκετο ἐσ τοὺσ Ἓλληνασ, οὐκ ἔχω εἰπεῖν ἀτρεκέωσ, θωμάζω δὲ εἰ τὰ λεγόμενα ἐστὶ ἀληθέα·

λέγεται γὰρ ὡσ ἐξ Ἀφετέων δὺσ ἐσ τὴν θάλασσαν οὐ πρότερον ἀνέσχε πρὶν ἢ ἀπίκετο ἐπὶ τὸ Ἀρτεμίσιον, σταδίουσ μάλιστά κῃ τούτουσ ἐσ ὀγδώκοντα διὰ τῆσ θαλάσσησ διεξελθών. λέγεται μέν νυν καὶ ἄλλα ψευδέσι εἴκελα περὶ τοῦ ἀνδρὸσ τούτου, τὰ δὲ μετεξέτερα ἀληθέα·

περὶ μέντοι τούτου γνώμη μοι ἀποδεδέχθω πλοίῳ μιν ἀπικέσθαι ἐπὶ τὸ Ἀρτεμίσιον. ὡσ δὲ ἀπίκετο, αὐτίκα ἐσήμηνε τοῖσι στρατηγοῖσι τήν τε ναυηγίην ὡσ γένοιτο, καὶ τὰσ περιπεμφθείσασ τῶν νεῶν περὶ Εὔβοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 8, chapter 8

(헤로도토스, The Histories, book 8, chapter 8)

상위

목록

SEARCH

MENU NAVIGATION