호흡부호 보기
강세부호 보기
장단부호 보기
작은 Iota 보기
모든 부호 보기
ἐγεγόνεε μὲν δὴ ὧδε ὁ Ἀλέξανδροσ ὁ Ἀμύντεω· ὡσ δὲ ἀπίκετο ἐσ τὰσ Ἀθήνασ ἀποπεμφθεὶσ ὑπὸ Μαρδονίου, ἔλεγε τάδε. "ἄνδρεσ Ἀθηναῖοι, Μαρδόνιοσ τάδε λέγει. ἐμοὶ ἀγγελίη ἥκει παρὰ βασιλέοσ λέγουσα οὕτω. Ἀθηναίοισι τὰσ ἁμαρτάδασ τὰσ ἐσ ἐμὲ ἐξ ἐκείνων γενομένασ πάσασ μετίημι. νῦν τε ὧδε Μαρδόνιε ποίεε·
τοῦτο μὲν τὴν γῆν σφι ἀπόδοσ, τοῦτο δὲ ἄλλην πρὸσ ταύτῃ ἑλέσθων αὐτοί, ἥντινα ἂν ἐθέλωσι, ἐόντεσ αὐτόνομοι· ἱρά τε πάντα σφι, ἢν δὴ βούλωνταί γε ἐμοὶ ὁμολογέειν, ἀνόρθωσον, ὅσα ἐγὼ ἐνέπρησα. τούτων δὲ ἀπιγμένων ἀναγκαίωσ ἔχει μοι ποιέειν ταῦτα, ἢν μὴ τὸ ὑμέτερον αἴτιον γένηται. λέγω δὲ ὑμῖν τάδε.
νῦν τί μαίνεσθε πόλεμον βασιλέι ἀειρόμενοι; οὔτε γὰρ ἂν ὑπερβάλοισθε οὔτε οἱοῖ́ τε ἐστὲ ἀντέχειν τὸν πάντα χρόνον. εἴδετε μὲν γὰρ τῆσ Ξέρξεω στρατηλασίησ τὸ πλῆθοσ καὶ τὰ ἔργα, πυνθάνεσθε δὲ καὶ τὴν νῦν παρ’ ἐμοὶ ἐοῦσαν δύναμιν· ὥστε καὶ ἢν ἡμέασ ὑπερβάλησθε καὶ νικήσητε, τοῦ περ ὑμῖν οὐδεμία ἐλπὶσ εἴ περ εὖ φρονέετε, ἄλλη παρέσται πολλαπλησίη. μὴ ὦν βούλεσθε παρισούμενοι βασιλέι στέρεσθαι μὲν τῆσ χώρησ, θέειν δὲ αἰεὶ περὶ ὑμέων αὐτῶν, ἀλλὰ καταλύσασθε·
παρέχει δὲ ὑμῖν κάλλιστα καταλύσασθαι, βασιλέοσ ταύτῃ ὁρμημένου. ἔστε ἐλεύθεροι, ἡμῖν ὁμαιχμίην συνθέμενοι ἄνευ τε δόλου καὶ ἀπάτησ.
호흡부호 보기
강세부호 보기
장단부호 보기
작은 Iota 보기
모든 부호 보기