헬라어 문장 검색 - ΗεροδόΤηεΗιστ́8́104́

(헤로도토스, The Histories, book 8, chapter 98)

ταῦτά τε ἅμα Ξέρξησ ἐποίεε καὶ ἔπεμπε ἐσ Πέρσασ ἀγγελέοντα τὴν παρεοῦσάν σφι συμφορήν. τούτων δὲ τῶν ἀγγέλων ἐστὶ οὐδὲν ὅ τι θᾶσσον παραγίνεται θνητὸν ἐόν· οὕτω τοῖσι Πέρσῃσι ἐξεύρηται τοῦτο. λέγουσι γὰρ ὡσ ὁσέων ἂν ἡμερέων ᾖ ἡ πᾶσα ὁδόσ, τοσοῦτοι ἵπποι τε καὶ ἄνδρεσ διεστᾶσι κατὰ ἡμερησίην ὁδὸν ἑκάστην ἵπποσ τε καὶ ἀνὴρ τεταγμένοσ· τοὺσ οὔτε νιφετόσ, οὐκ ὄμβροσ, οὐ καῦμα, οὐ νὺξ ἔργει μὴ οὐ κατανύσαι τὸν προκείμενον αὐτῷ δρόμον τὴν ταχίστην. ὁ μὲν δὴ πρῶτοσ δραμὼν παραδιδοῖ τὰ ἐντεταλμένα τῷ δευτέρῳ, ὁ δὲ δεύτεροσ τῷ τρίτῳ·

τὸ δὲ ἐνθεῦτεν ἤδη κατ’ ἄλλον καὶ ἄλλον διεξέρχεται παραδιδόμενα, κατά περ ἐν Ἕλλησι ἡ λαμπαδηφορίη τὴν τῷ Ἡφαίστῳ ἐπιτελέουσι. τοῦτο τὸ δράμημα τῶν ἵππων καλέουσι Πέρσαι ἀγγαρήιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 8, chapter 98

(헤로도토스, The Histories, book 8, chapter 98)

상위

목록

SEARCH

MENU NAVIGATION