헬라어 텍스트

Herodotus, The Histories, book 8, chapter 106

(헤로도토스, The Histories, book 8, chapter 106)

ὡσ δὲ τὸ στράτευμα τὸ Περσικὸν ὁρ́μα βασιλεὺσ ἐπὶ τὰσ Ἀθήνασ ἐὼν ἐν Σάρδισι, ἐνθαῦτα καταβὰσ κατὰ δή τι πρῆγμα ὁ Ἑρμότιμοσ ἐσ γῆν τὴν Μυσίην, τὴν Χῖοι μὲν νέμονται Ἀταρνεὺσ δὲ καλέεται, εὑρίσκει τὸν Πανιώνιον ἐνθαῦτα. ἐπιγνοὺσ δὲ ἔλεγε πρὸσ αὐτὸν πολλοὺσ καὶ φιλίουσ λόγουσ, πρῶτα μέν οἱ καταλέγων ὅσα αὐτὸσ δι’ ἐκεῖνον ἔχοι ἀγαθά, δεύτερα δέ οἱ ὑπισχνεύμενοσ ἀντὶ τούτων ὅσα μιν ἀγαθὰ ποιήσει ἢν κομίσασ τοὺσ οἰκέτασ οἰκέῃ ἐκείνῃ, ὥστε ὑποδεξάμενον ἄσμενον τοὺσ λόγουσ τὸν Πανιώνιον κομίσαι τὰ τέκνα καὶ τὴν γυναῖκα.

ὡσ δὲ ἄρα πανοικίῃ μιν περιέλαβε, ἔλεγε ὁ Ἑρμότιμοσ τάδε.

"ὦ πάντων ἀνδρῶν ἤδη μάλιστα ἀπ’ ἔργων ἀνοσιωτάτων τὸν βίον κτησάμενε, τί σε ἐγὼ κακὸν ἢ αὐτὸσ ἢ τῶν ἐμῶν τίσ σε προγόνων ἐργάσατο, ἢ σὲ ἢ τῶν σῶν τινα, ὅτι με ἀντ’ ἀνδρὸσ ἐποίησασ τὸ μηδὲν εἶναι; ἐδόκεέσ τε θεοὺσ λήσειν οἱᾶ ἐμηχανῶ τότε· οἳ σε ποιήσαντα ἀνόσια, νόμῳ δικαίῳ χρεώμενοι, ὑπήγαγον ἐσ χεῖρασ τὰσ ἐμάσ, ὥστε σε μὴ μέμψασθαι τὴν ἀπ’ ἐμέο τοι ἐσομένην δίκην. ὡσ δέ οἱ ταῦτα ὠνείδισε, ἀχθέντων τῶν παίδων ἐσ ὄψιν ἠναγκάζετο ὁ Πανιώνιοσ τῶν ἑωυτοῦ παίδων τεσσέρων ἐόντων τὰ αἰδοῖα ἀποτάμνειν, ἀναγκαζόμενοσ δὲ ἐποίεε ταῦτα·

αὐτοῦ τε, ὡσ ταῦτα ἐργάσατο, οἱ παῖδεσ ἀναγκαζόμενοι ἀπέταμνον. Πανιώνιον μέν νυν οὕτω περιῆλθε ἥ τε τίσισ καὶ Ἑρμότιμοσ.