Herodotus, The Histories, book 8, chapter 1

(헤로도토스, The Histories, book 8, chapter 1)

οἱ δὲ Ἑλλήνων ἐσ τὸν ναυτικὸν στρατὸν ταχθέντεσ ἦσαν οἵδε, Ἀθηναῖοι μὲν νέασ παρεχόμενοι ἑκατὸν καὶ εἴκοσι καὶ ἑπτά· ὑπὸ δὲ ἀρετῆσ τε καὶ προθυμίησ Πλαταιέεσ ἄπειροι τῆσ ναυτικῆσ ἐόντεσ συνεπλήρουν τοῖσι Ἀθηναίοισι τὰσ νέασ. Κορίνθιοι δὲ τεσσεράκοντα νέασ παρείχοντο, Μεγαρέεσ δὲ εἴκοσι. καὶ Χαλκιδέεσ ἐπλήρουν εἴκοσι, Ἀθηναίων σφι παρεχόντων τὰσ νέασ, Αἰγινῆται δὲ ὀκτωκαίδεκα, Σικυώνιοι δὲ δυοκαίδεκα, Λακεδαιμόνιοι δὲ δέκα, Ἐπιδαύριοι δὲ ὀκτώ, Ἐρετριέεσ δὲ ἑπτά, Τροιζήνιοι δὲ πέντε, Στυρέεσ δὲ δύο, καὶ Κήιοι δύο τε νέασ καὶ πεντηκοντέρουσ δύο·

Λοκροὶ δέ σφι οἱ Ὀπούντιοι ἐπεβοήθεον πεντηκοντέρουσ ἔχοντεσ ἑπτά.

상위

The Histories

목록

일치하는 문장이 없습니다.

SEARCH

MENU NAVIGATION