호흡부호 보기
강세부호 보기
장단부호 보기
작은 Iota 보기
모든 부호 보기
ἐνθαῦτα ἀνῆγον τὰσ νέασ ἁπάσασ Ἕλληνεσ, ἀναγομένοισι δέ σφι αὐτίκα ἐπεκέατο οἱ βάρβαροι. οἱ μὲν δὴ ἄλλοι Ἕλληνεσ ἐπὶ πρύμνην ἀνεκρούοντο καὶ ὤκελλον τὰσ νέασ, Ἀμεινίησ δὲ Παλληνεὺσ ἀνὴρ Ἀθηναῖοσ ἐξαναχθεὶσ νηὶ ἐμβάλλει· συμπλακείσησ δὲ τῆσ νεὸσ καὶ οὐ δυναμένων ἀπαλλαγῆναι, οὕτω δὴ οἱ ἄλλοι Ἀμεινίῃ βοηθέοντεσ συνέμισγον. Ἀθηναῖοι μὲν οὕτω λέγουσι τῆσ ναυμαχίησ γενέσθαι τὴν ἀρχήν, Αἰγινῆται δὲ τὴν κατὰ τοὺσ Αἰακίδασ ἀποδημήσασαν ἐσ Αἴγιναν, ταύτην εἶναι τὴν ἄρξασαν.
λέγεται δὲ καὶ τάδε, ὡσ φάσμα σφι γυναικὸσ ἐφάνη, φανεῖσαν δὲ διακελεύσασθαι ὥστε καὶ ἅπαν ἀκοῦσαι τὸ τῶν Ἑλλήνων στρατόπεδον, ὀνειδίσασαν πρότερον τάδε, "ὦ δαιμόνιοι, μέχρι κόσου ἔτι πρύμνην ἀνακρούεσθε ;
호흡부호 보기
강세부호 보기
장단부호 보기
작은 Iota 보기
모든 부호 보기