Herodotus, The Histories, book 8, chapter 69

(헤로도토스, The Histories, book 8, chapter 69)

ταῦτα λεγούσησ πρὸσ Μαρδόνιον, ὅσοι μὲν ἦσαν εὔνοοι τῇ Ἀρτεμισίῃ, συμφορὴν ἐποιεῦντο τοὺσ λόγουσ ὡσ κακόν τι πεισομένησ πρὸσ βασιλέοσ, ὅτι οὐκ ἐά ναυμαχίην ποιέεσθαι· οἳ δὲ ἀγαιόμενοί τε καὶ φθονέοντεσ αὐτῇ, ἅτε ἐν πρώτοισι τετιμημένησ διὰ πάντων τῶν συμμάχων, ἐτέρποντο τῇ ἀνακρίσι ὡσ ἀπολεομένησ αὐτῆσ. ἐπεὶ δὲ ἀνηνείχθησαν αἱ γνῶμαι ἐσ Ξέρξην, κάρτα τε ἥσθη τῇ γνώμῃ τῇ Ἀρτεμισίησ, καὶ νομίζων ἔτι πρότερον σπουδαίην εἶναι τότε πολλῷ μᾶλλον αἴνεε.

ὅμωσ δὲ τοῖσι πλέοσι πείθεσθαι ἐκέλευε, τάδε καταδόξασ, πρὸσ μὲν Εὐβοίῃ σφέασ ἐθελοκακέειν ὡσ οὐ παρεόντοσ αὐτοῦ, τότε δὲ αὐτὸσ παρεσκεύαστο θεήσασθαι ναυμαχέοντασ.

상위

The Histories

목록

일치하는 문장이 없습니다.

SEARCH

MENU NAVIGATION