Herodotus, The Histories, book 8, chapter 108

(헤로도토스, The Histories, book 8, chapter 108)

ὡσ δὲ ἡμέρη ἐγίνετο, ὁρῶντεσ οἱ Ἕλληνεσ κατὰ χώρην μένοντα τὸν στρατὸν τὸν πεζὸν ἤλπιζον καὶ τὰσ νέασ εἶναι περὶ Φάληρον, ἐδόκεόν τε ναυμαχήσειν σφέασ παραρτέοντό τε ὡσ ἀλεξησόμενοι. ἐπεὶ δὲ ἐπύθοντο τὰσ νέασ οἰχωκυίασ, αὐτίκα μετὰ ταῦτα ἐδόκεε ἐπιδιώκειν. τὸν μέν νυν ναυτικὸν τὸν Ξέρξεω στρατὸν οὐκ ἐπεῖδον διώξαντεσ μέχρι Ἄνδρου, ἐσ δὲ τὴν Ἄνδρον ἀπικόμενοι ἐβουλεύοντο. Θεμιστοκλέησ μέν νυν γνώμην ἀπεδείκνυτο διὰ νήσων τραπομένουσ καὶ ἐπιδιώξαντασ τὰσ νέασ πλέειν ἰθέωσ ἐπὶ τὸν Ἑλλήσποντον λύσοντασ τὰσ γεφύρασ·

Εὐρυβιάδησ δὲ τὴν ἐναντίην ταύτῃ γνώμην ἐτίθετο, λέγων ὡσ εἰ λύσουσι τὰσ σχεδίασ, τοῦτ’ ἂν μέγιστον πάντων σφι κακῶν τὴν Ἑλλάδα ἐργάσαιτο. εἰ γὰρ ἀναγκασθείη ὁ Πέρσησ μένειν ἐν τῇ Εὐρώπῃ, πειρῷτο ἂν ἡσυχίην μὴ ἄγειν, ὡσ ἄγοντι μέν οἱ ἡσυχίην οὔτε τι προχωρέειν οἱο͂́ν τε ἔσται τῶν πρηγμάτων οὔτε τισ κομιδὴ τὰ ὀπίσω φανήσεται, λιμῷ τέ οἱ ἡ στρατιὴ διαφθερέεται, ἐπιχειρέοντι δὲ αὐτῷ καὶ ἔργου ἐχομένῳ πάντα τὰ κατὰ τὴν Εὐρώπην οἱᾶ́ τε ἔσται προσχωρῆσαι κατὰ πόλισ τε καὶ κατὰ ἔθνεα, ἤτοι ἁλισκομένων γε ἢ πρὸ τούτου ὁμολογεόντων·

τροφήν τε ἕξειν σφέασ τὸν ἐπέτειον αἰεὶ τὸν τῶν Ἑλλήνων καρπόν. ἀλλὰ δοκέειν γὰρ νικηθέντα τῇ ναυμαχίῃ οὐ μενέειν ἐν τῇ Εὐρώπῃ τὸν Πέρσην·

ἐατέον ὦν εἶναι φεύγειν, ἐσ ὃ ἔλθοι φεύγων ἐσ τὴν ἑωυτοῦ· τὸ ἐνθεῦτεν δὲ περὶ τῆσ ἐκείνου ποιέεσθαι ἤδη τὸν ἀγῶνα ἐκέλευε. ταύτησ δὲ εἴχοντο τῆσ γνώμησ καὶ Πελοποννησίων τῶν ἄλλων οἱ στρατηγοί.

상위

The Histories

목록

일치하는 문장이 없습니다.

SEARCH

MENU NAVIGATION