Herodotus, The Histories, book 8, chapter 128

(헤로도토스, The Histories, book 8, chapter 128)

ἐξελὼν δὲ ταύτην ὁ Ἀρτάβαζοσ τῇ Ποτιδαίῃ ἐντεταμένωσ προσεῖχε· προσέχοντι δέ οἱ προθύμωσ συντίθεται προδοσίην Τιμόξεινοσ ὁ τῶν Σκιωναίων στρατηγόσ, ὅντινα μὲν τρόπον ἀρχήν, ἔγωγε οὐκ ἔχω εἰπεῖν οὐ γὰρ ὦν λέγεται, τέλοσ μέντοι τοιάδε ἐγίνετο· ὅκωσ βυβλίον γράψειε ἢ Τιμόξεινοσ ἐθέλων παρὰ Ἀρτάβαζον πέμψαι ἢ Ἀρτάβαζοσ παρὰ Τιμόξεινον, τοξεύματοσ παρὰ τὰσ γλυφίδασ περιειλίξαντεσ καὶ πτερώσαντεσ τὸ βυβλίον ἐτόξευον ἐσ συγκείμενον χωρίον. ἐπάιστοσ δὲ ἐγένετο ὁ Τιμόξεινοσ προδιδοὺσ τὴν Ποτίδαιαν·

τοξεύων γὰρ ὁ Ἀρτάβαζοσ ἐσ τὸ συγκείμενον, ἁμαρτὼν τοῦ χωρίου τούτου βάλλει ἀνδρὸσ Ποτιδαιήτεω τὸν ὦμον, τὸν δὲ βληθέντα περιέδραμε ὅμιλοσ, οἱᾶ φιλέει γίνεσθαι ἐν πολέμῳ, οἳ αὐτίκα τὸ τόξευμα λαβόντεσ ὡσ ἔμαθον τὸ βυβλίον, ἔφερον ἐπὶ τοὺσ στρατηγούσ· παρῆν δὲ καὶ τῶν ἄλλων Παλληναίων συμμαχίν. τοῖσι δὲ στρατηγοῖσι ἐπιλεξαμένοισι τὸ βυβλίον καὶ μαθοῦσι τὸν αἴτιον τῆσ προδοσίησ ἔδοξε μὴ καταπλῆξαι Τιμόξεινον προδοσίῃ τῆσ Σκιωναίων πόλιοσ εἵνεκα, μὴ νομιζοίατο εἶναι Σκιωναῖοι ἐσ τὸν μετέπειτα χρόνον αἰεὶ προδόται.

상위

The Histories

목록

일치하는 문장이 없습니다.

SEARCH

MENU NAVIGATION