헬라어 텍스트

Herodotus, The Histories, book 8, chapter 109

(헤로도토스, The Histories, book 8, chapter 109)

ὡσ δὲ ἔμαθε ὅτι οὐ πείσει τούσ γε πολλοὺσ πλέειν ἐσ τὸν Ἑλλήσποντον ὁ Θεμιστοκλέησ, μεταβαλὼν πρὸσ τοὺσ Ἀθηναίουσ οὗτοι γὰρ μάλιστα ἐκπεφευγότων περιημέκτεον, ὁρμέατό τε ἐσ τὸν Ἑλλήσποντον πλέειν καὶ ἐπὶ σφέων αὐτῶν βαλόμενοι, εἰ οἱ ἄλλοι μὴ βουλοίατο ἔλεγέ σφι τάδε. "καὶ αὐτὸσ ἤδη πολλοῖσι παρεγενόμην καὶ πολλῷ πλέω ἀκήκοα τοιάδε γενέσθαι, ἄνδρασ ἐσ ἀναγκαίην ἀπειληθέντασ νενικημένουσ ἀναμάχεσθαί τε καὶ ἀναλαμβάνειν τὴν προτέρην κακότητα.

ἡμεῖσ δέ, εὑρ́ημα γὰρ εὑρήκαμεν ἡμέασ τε αὐτοὺσ καὶ τὴν Ἑλλάδα, νέφοσ τοσοῦτο ἀνθρώπων ἀνωσάμενοι, μὴ διώκωμεν ἄνδρασ φεύγοντασ. τάδε γὰρ οὐκ ἡμεῖσ κατεργασάμεθα, ἀλλὰ θεοί τε καὶ ἡρ́ωεσ, οἳ ἐφθόνησαν ἄνδρα ἕνα τῆσ τε Ἀσίησ καὶ τῆσ Εὐρώπησ βασιλεῦσαι ἐόντα ἀνόσιόν τε καὶ ἀτάσθαλον·

ὃσ τά τε ἱρὰ καὶ τὰ ἴδια ἐν ὁμοίῳ ἐποιέετο, ἐμπιπράσ τε καὶ καταβάλλων τῶν θεῶν τὰ ἀγάλματα· ὃσ καὶ τὴν θάλασσαν ἀπεμαστίγωσε πέδασ τε κατῆκε. ἀλλ’ εὖ γὰρ ἔχει ἐσ τὸ παρεὸν ἡμῖν, νῦν μὲν ἐν τῇ Ἑλλάδι καταμείναντασ ἡμέων τε αὐτῶν ἐπιμεληθῆναι καὶ τῶν οἰκετέων, καὶ τισ οἰκίην τε ἀναπλασάσθω καὶ σπόρου ἀνακῶσ ἐχέτω, παντελέωσ ἀπελάσασ τὸν βάρβαρον·

ἅμα δὲ τῷ ἐάρι καταπλέωμεν ἐπὶ Ἑλλησπόντου καὶ Ιὠνίησ. ταῦτα ἔλεγε ἀποθήκην μέλλων ποιήσασθαι ἐσ τὸν Πέρσην, ἵνα ἢν ἄρα τί μιν καταλαμβάνῃ πρὸσ Ἀθηναίων πάθοσ ἔχῃ ἀποστροφήν·

τά περ ὦν καὶ ἐγένετο.