호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δὲ παρήγγελλον ἀναπλέειν, ἀνῆγον τὰσ νέασ ἐπὶ τὴν Σαλαμῖνα καὶ παρεκρίθησαν διαταχθέντεσ κατ’ ἡσυχίην. τότε μέν νυν οὐκ ἐξέχρησέ σφι ἡ ἡμέρη ναυμαχίην ποιήσασθαι· νὺξ γὰρ ἐπεγένετο· οἳ δὲ παρεσκευάζοντο ἐσ τὴν ὑστεραίην. τοὺσ δὲ Ἕλληνασ εἶχε δέοσ τε καὶ ἀρρωδίη, οὐκ ἥκιστα δὲ τοὺσ ἀπὸ Πελοποννήσου·
ἀρρώδεον δὲ ὅτι αὐτοὶ μὲν ἐν Σαλαμῖνι κατήμενοι ὑπὲρ γῆσ τῆσ Ἀθηναίων ναυμαχέειν μέλλοιεν, νικηθέντεσ τε ἐν νήσῳ ἀπολαμφθέντεσ πολιορκήσονται, ἀπέντεσ τὴν ἑωυτῶν ἀφύλακτον· τῶν δὲ βαρβάρων ὁ πεζὸσ ὑπὸ τὴν παρεοῦσαν νύκτα ἐπορεύετο ἐπὶ τὴν Πελοπόννησον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기