헬라어 문장 검색 - ΗεροδόΤηεΗιστ́8́082́

(헤로도토스, The Histories, book 8, chapter 76)

ὃ μὲν ταῦτά σφι σημήνασ ἐκποδὼν ἀπαλλάσσετο· τοῖσι δὲ ὡσ πιστὰ ἐγίνετο τὰ ἀγγελθέντα, τοῦτο μὲν ἐσ τὴν νησῖδα τὴν Ψυττάλειαν, μεταξὺ Σαλαμῖνόσ τε κειμένην καὶ τῆσ ἠπείρου, πολλοὺσ τῶν Περσέων ἀπεβιβάσαντο· τοῦτο δέ, ἐπειδὴ ἐγίνοντο μέσαι νύκτεσ, ἀνῆγον μὲν τὸ ἀπ’ ἑσπέρησ κέρασ κυκλούμενοι πρὸσ τὴν Σαλαμῖνα, ἀνῆγον δὲ οἱ ἀμφὶ τὴν Κέον τε καὶ τὴν Κυνόσουραν τεταγμένοι, κατεῖχόν τε μέχρι Μουνυχίησ πάντα τὸν πορθμὸν τῇσι νηυσί. τῶνδε δὲ εἵνεκα ἀνῆγον τὰσ νέασ, ἵνα δὴ τοῖσι Ἕλλησι μηδὲ φυγεῖν ἐξῇ, ἀλλ’ ἀπολαμφθέντεσ ἐν τῇ Σαλαμῖνι δοῖεν τίσιν τῶν ἐπ’ Ἀρτεμισίῳ ἀγωνισμάτων.

ἐσ δὲ τὴν νησῖδα τὴν Ψυττάλειαν καλεομένην ἀπεβίβαζον τῶν Περσέων τῶνδε εἵνεκεν, ὡσ ἐπεὰν γίνηται ναυμαχίη, ἐνθαῦτα μάλιστα ἐξοισομένων τῶν τε ἀνδρῶν καὶ τῶν ναυηγίων ἐν γὰρ δὴ πόρῳ τῆσ ναυμαχίησ τῆσ μελλούσησ ἔσεσθαι ἔκειτο ἡ νῆσοσ, ἵνα τοὺσ μὲν περιποιέωσι τοὺσ δὲ διαφθείρωσι. ἐποίευν δὲ σιγῇ ταῦτα, ὡσ μὴ πυνθανοίατο οἱ ἐναντίοι.

οἱ μὲν δὴ ταῦτα τῆσ νυκτὸσ οὐδὲν ἀποκοιμηθέντεσ παραρτέοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 8, chapter 76

(헤로도토스, The Histories, book 8, chapter 76)

상위

목록

SEARCH

MENU NAVIGATION