호흡부호 보기
강세부호 보기
장단부호 보기
작은 Iota 보기
모든 부호 보기
οὗτοι μὲν δὴ ταῦτα ὑποκρινάμενοι καὶ οὐ δόντεσ τὰ χρήματα ἐπολιορκέοντο. Θεμιστοκλέησ δὲ, οὐ γὰρ ἐπαύετο πλεονεκτέων, ἐσπέμπων ἐσ τὰσ ἄλλασ νήσουσ ἀπειλητηρίουσ λόγουσ αἴτεε χρήματα διὰ τῶν αὐτῶν ἀγγέλων, χρεώμενοσ τοῖσι καὶ πρὸσ βασιλέα ἐχρήσατο, λέγων ὡσ εἰ μὴ δώσουσι τὸ αἰτεόμενον, ἐπάξει τὴν στρατιὴν τῶν Ἑλλήνων καὶ πολιορκέων ἐξαιρήσει. λέγων ταῦτα συνέλεγε χρήματα μεγάλα παρὰ Καρυστίων τε καὶ Παρίων, οἳ πυνθανόμενοι τήν τε Ἄνδρον ὡσ πολιορκέοιτο διότι ἐμήδισε, καὶ Θεμιστοκλέα ὡσ εἰή ἐν αἴνῃ μεγίστῃ τῶν στρατηγῶν, δείσαντεσ ταῦτα ἔπεμπον χρήματα.
εἰ δὲ δὴ τινὲσ καὶ ἄλλοι ἔδοσαν νησιωτέων, οὐκ ἔχω εἰπεῖν, δοκέω δὲ τινὰσ καὶ ἄλλουσ δοῦναι καὶ οὐ τούτουσ μούνουσ. καίτοι Καρυστίοισί γε οὐδὲν τούτου εἵνεκα τοῦ κακοῦ ὑπερβολὴ ἐγένετο·
Πάριοι δὲ Θεμιστοκλέα χρήμασι ἱλασάμενοι διέφυγον τὸ στράτευμα. Θεμιστοκλέησ μέν νυν ἐξ Ἄνδρου ὁρμώμενοσ χρήματα παρὰ νησιωτέων ἐκτᾶτο λάθρῃ τῶν ἄλλων στρατηγῶν.
호흡부호 보기
강세부호 보기
장단부호 보기
작은 Iota 보기
모든 부호 보기