호흡부호 보기
강세부호 보기
장단부호 보기
작은 Iota 보기
모든 부호 보기
τοῖσι δὲ Ἕλλησι ὡσ ἐσήμηνε, πρῶτα μὲν ἀντίπρῳροι τοῖσι βαρβάροισι γενόμενοι ἐσ τὸ μέσον τὰσ πρύμνασ συνήγαγον, δεύτερα δὲ σημήναντοσ ἔργου εἴχοντο ἐν ὀλίγῳ περ ἀπολαμφθέντεσ καὶ κατὰ στόμα. ἐνθαῦτα τριήκοντα νέασ αἱρέουσι τῶν βαρβάρων καὶ τὸν Γόργου τοῦ Σαλαμινίων βασιλέοσ ἀδελφεὸν Φιλάονα τὸν Χέρσιοσ, λόγιμον ἐόντα ἐν τῷ στρατοπέδῳ ἄνδρα.
πρῶτοσ δὲ Ἑλλήνων νέα τῶν πολεμίων εἷλε ἀνὴρ Ἀθηναῖοσ Λυκομήδησ Αἰσχραίου, καὶ τὸ ἀριστήιον ἔλαβε οὗτοσ. τοὺσ δ’ ἐν τῇ ναυμαχίῃ ταύτῃ ἑτεραλκέωσ ἀγωνιζομένουσ νὺξ ἐπελθοῦσα διέλυσε.
οἱ μὲν δὴ Ἕλληνεσ ἐπὶ τὸ Ἀρτεμίσιον ἀπέπλεον, οἱ δὲ βάρβαροι ἐσ τὰσ Ἀφέτασ, πολλὸν παρὰ δόξαν ἀγωνισάμενοι. ἐν ταύτῃ τῇ ναυμαχίῃ Ἀντίδωροσ Λήμνιοσ μοῦνοσ τῶν σὺν βασιλέι Ἑλλήνων ἐόντων αὐτομολέει ἐσ τοὺσ Ἕλληνασ, καὶ οἱ Ἀθηναῖοι διὰ τοῦτο τὸ ἔργον ἔδοσαν αὐτῷ χῶρον ἐν Σαλαμῖνι.
호흡부호 보기
강세부호 보기
장단부호 보기
작은 Iota 보기
모든 부호 보기