호흡부호 보기
강세부호 보기
장단부호 보기
작은 Iota 보기
모든 부호 보기
ἔστι δὲ καὶ ἄλλοσ ὅδε λόγοσ λεγόμενοσ, ὡσ ἐπειδὴ Ξέρξησ ἀπελαύνων ἐξ Ἀθηνέων ἀπίκετο ἐπ’ Ηιὄνα τὴν ἐπὶ Στρυμόνι, ἐνθεῦτεν οὐκέτι ὁδοιπορίῃσι διεχρᾶτο, ἀλλὰ τὴν μὲν στρατιὴν Ὑδάρνεϊ ἐπιτράπει ἀπάγειν ἐσ τὸν Ἑλλήσποντον, αὐτὸσ δ’ ἐπὶ νεὸσ Φοινίσσησ ἐπιβὰσ ἐκομίζετο ἐσ τὴν Ἀσίην. πλέοντα δέ μιν ἄνεμον Στρυμονίην ὑπολαβεῖν μέγαν καὶ κυματίην.
καὶ δὴ μᾶλλον γάρ τι χειμαίνεσθαι γεμούσησ τῆσ νεόσ, ὥστε ἐπὶ τοῦ καταστρώματοσ ἐπεόντων συχνῶν Περσέων τῶν σὺν Ξέρξῃ κομιζομένων, ἐνθαῦτα ἐσ δεῖμα πεσόντα τὸν βασιλέα εἰρέσθαι βώσαντα τὸν κυβερνήτην εἴ τισ ἐστί σφι σωτηρίη, καὶ τὸν εἶπαι "δέσποτα, οὐκ ἔστι οὐδεμία, εἰ μὴ τούτων ἀπαλλαγή τισ γένηται τῶν πολλῶν ἐπιβατέων. " καὶ Ξέρξην λέγεται ἀκούσαντα ταῦτα εἰπεῖν "ἄνδρεσ Πέρσαι, νῦν τισ διαδεξάτω ὑμέων βασιλέοσ κηδόμενοσ·
ἐν ὑμῖν γὰρ οἶκε εἶναι ἐμοὶ ἡ σωτηρίη. τὸν μὲν ταῦτα λέγειν, τοὺσ δὲ προσκυνέοντασ ἐκπηδᾶν ἐσ τὴν θάλασσαν, καὶ τὴν νέα ἐπικουφισθεῖσαν οὕτω δὴ ἀποσωθῆναι ἐσ τὴν Ἀσίην.
ὡσ δὲ ἐκβῆναι τάχιστα ἐσ γῆν τὸν Ξέρξην, ποιῆσαι τοιόνδε· ὅτι μὲν ἔσωσε βασιλέοσ τὴν ψυχήν, δωρήσασθαι χρυσέῃ στεφάνῃ τὸν κυβερνήτην, ὅτι δὲ Περσέων πολλοὺσ ἀπώλεσε, ἀποταμεῖν τὴν κεφαλὴν αὐτοῦ.
호흡부호 보기
강세부호 보기
장단부호 보기
작은 Iota 보기
모든 부호 보기