헬라어 문장 검색 - ΗεροδόΤηεΗιστ́8́124́

(헤로도토스, The Histories, book 8, chapter 118)

ἔστι δὲ καὶ ἄλλοσ ὅδε λόγοσ λεγόμενοσ, ὡσ ἐπειδὴ Ξέρξησ ἀπελαύνων ἐξ Ἀθηνέων ἀπίκετο ἐπ’ Ηιὄνα τὴν ἐπὶ Στρυμόνι, ἐνθεῦτεν οὐκέτι ὁδοιπορίῃσι διεχρᾶτο, ἀλλὰ τὴν μὲν στρατιὴν Ὑδάρνεϊ ἐπιτράπει ἀπάγειν ἐσ τὸν Ἑλλήσποντον, αὐτὸσ δ’ ἐπὶ νεὸσ Φοινίσσησ ἐπιβὰσ ἐκομίζετο ἐσ τὴν Ἀσίην. πλέοντα δέ μιν ἄνεμον Στρυμονίην ὑπολαβεῖν μέγαν καὶ κυματίην.

καὶ δὴ μᾶλλον γάρ τι χειμαίνεσθαι γεμούσησ τῆσ νεόσ, ὥστε ἐπὶ τοῦ καταστρώματοσ ἐπεόντων συχνῶν Περσέων τῶν σὺν Ξέρξῃ κομιζομένων, ἐνθαῦτα ἐσ δεῖμα πεσόντα τὸν βασιλέα εἰρέσθαι βώσαντα τὸν κυβερνήτην εἴ τισ ἐστί σφι σωτηρίη, καὶ τὸν εἶπαι "δέσποτα, οὐκ ἔστι οὐδεμία, εἰ μὴ τούτων ἀπαλλαγή τισ γένηται τῶν πολλῶν ἐπιβατέων. " καὶ Ξέρξην λέγεται ἀκούσαντα ταῦτα εἰπεῖν "ἄνδρεσ Πέρσαι, νῦν τισ διαδεξάτω ὑμέων βασιλέοσ κηδόμενοσ·

ἐν ὑμῖν γὰρ οἶκε εἶναι ἐμοὶ ἡ σωτηρίη. τὸν μὲν ταῦτα λέγειν, τοὺσ δὲ προσκυνέοντασ ἐκπηδᾶν ἐσ τὴν θάλασσαν, καὶ τὴν νέα ἐπικουφισθεῖσαν οὕτω δὴ ἀποσωθῆναι ἐσ τὴν Ἀσίην.

ὡσ δὲ ἐκβῆναι τάχιστα ἐσ γῆν τὸν Ξέρξην, ποιῆσαι τοιόνδε· ὅτι μὲν ἔσωσε βασιλέοσ τὴν ψυχήν, δωρήσασθαι χρυσέῃ στεφάνῃ τὸν κυβερνήτην, ὅτι δὲ Περσέων πολλοὺσ ἀπώλεσε, ἀποταμεῖν τὴν κεφαλὴν αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 8, chapter 118

(헤로도토스, The Histories, book 8, chapter 118)

상위

목록

SEARCH

MENU NAVIGATION