호흡부호 보기
강세부호 보기
장단부호 보기
작은 Iota 보기
모든 부호 보기
τρίτῃ δὲ ἡμέρῃ δεινόν τι ποιησάμενοι οἱ στρατηγοὶ τῶν βαρβάρων νέασ οὕτω σφι ὀλίγασ λυμαίνεσθαι, καὶ τὸ ἀπὸ Ξέρξεω δειμαίνοντεσ, οὐκ ἀνέμειναν ἔτι τοὺσ Ἕλληνασ μάχησ ἄρξαι, ἀλλὰ παρακελευσάμενοι κατὰ μέσον ἡμέρησ ἀνῆγον τὰσ νέασ. συνέπιπτε δὲ ὥστε τὰσ αὐτὰσ ἡμέρασ τάσ τε ναυμαχίασ γίνεσθαι ταύτασ καὶ τὰσ πεζομαχίασ τὰσ ἐν Θερμοπύλῃσι. ἦν δὲ πᾶσ ὁ ἀγὼν τοῖσι κατὰ θάλασσαν περὶ τοῦ Εὐρίπου, ὥσπερ τοῖσι ἀμφὶ Λεωνίδην τὴν ἐσβολὴν φυλάσσειν.
οἳ μὲν δὴ παρεκελεύοντο ὅκωσ μὴ παρήσουσι ἐσ τὴν Ἑλλάδα τοὺσ βαρβάρουσ, οἳ δ’ ὅκωσ τὸ Ἑλληνικὸν στράτευμα διαφθείραντεσ τοῦ πόρου κρατήσουσι. ὡσ δὲ ταξάμενοι οἱ Ξέρξεω ἐπέπλεον, οἱ Ἕλληνεσ ἀτρέμασ εἶχον πρὸσ τῷ Ἀρτεμισίῳ. οἱ δὲ βάρβαροι μηνοειδὲσ ποιήσαντεσ τῶν νεῶν ἐκυκλοῦντο, ὡσ περιλάβοιεν αὐτούσ.
호흡부호 보기
강세부호 보기
장단부호 보기
작은 Iota 보기
모든 부호 보기