헬라어 문장 검색 - ΗεροδόΤηεΗιστ́8́093́

(헤로도토스, The Histories, book 8, chapter 87)

κατὰ μὲν δὴ τοὺσ ἄλλουσ οὐκ ἔχω μετεξετέρουσ εἰπεῖν ἀτρεκέωσ ὡσ ἕκαστοι τῶν βαρβάρων ἢ τῶν Ἑλλήνων ἠγωνίζοντο· κατὰ δὲ Ἀρτεμισίην τάδε ἐγένετο, ἀπ’ ὧν εὐδοκίμησε μᾶλλον ἔτι παρὰ βασιλέι. ἐπειδὴ γὰρ ἐσ θόρυβον πολλὸν ἀπίκετο τὰ βασιλέοσ πρήγματα, ἐν τούτῳ τῷ καιρῷ ἡ νηῦσ ἡ Ἀρτεμισίησ ἐδιώκετο ὑπὸ νεὸσ Ἀττικῆσ·

καὶ ἣ οὐκ ἔχουσα διαφυγεῖν, ἔμπροσθε γὰρ αὐτῆσ ἦσαν ἄλλαι νέεσ φίλιαι, ἡ δὲ αὐτῆσ πρὸσ τῶν πολεμίων μάλιστα ἐτύγχανε ἐοῦσα, ἔδοξέ οἱ τόδε ποιῆσαι, τὸ καὶ συνήνεικε ποιησάσῃ. διωκομένη γὰρ ὑπὸ τῆσ Ἀττικῆσ φέρουσα ἐνέβαλε νηὶ φιλίῃ ἀνδρῶν τε Καλυνδέων καὶ αὐτοῦ ἐπιπλέοντοσ τοῦ Καλυνδέων βασιλέοσ Δαμασιθύμου. εἰ μὲν καί τι νεῖκοσ πρὸσ αὐτὸν ἐγεγόνεε ἔτι περὶ Ἑλλήσποντον ἐόντων, οὐ μέντοι ἔχω γε εἰπεῖν οὔτε εἰ ἐκ προνοίησ αὐτὰ ἐποίησε, οὔτε εἰ συνεκύρησε ἡ τῶν Καλυνδέων κατὰ τύχην παραπεσοῦσα νηῦσ.

ὡσ δὲ ἐνέβαλέ τε καὶ κατέδυσε, εὐτυχίῃ χρησαμένη διπλᾶ ἑωυτὴν ἀγαθὰ ἐργάσατο.

ὅ τε γὰρ τῆσ Ἀττικῆσ νεὸσ τριήραρχοσ ὡσ εἶδέ μιν ἐμβάλλουσαν νηὶ ἀνδρῶν βαρβάρων, νομίσασ τὴν νέα τὴν Ἀρτεμισίησ ἢ Ἑλληνίδα εἶναι ἢ αὐτομολέειν ἐκ τῶν βαρβάρων καὶ αὐτοῖσι ἀμύνειν, ἀποστρέψασ πρὸσ ἄλλασ ἐτράπετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 8, chapter 87

(헤로도토스, The Histories, book 8, chapter 87)

상위

목록

SEARCH

MENU NAVIGATION