헬라어 텍스트

Herodotus, The Histories, book 8, chapter 116

(헤로도토스, The Histories, book 8, chapter 116)

ἔνθα καὶ ὁ τῶν Βισαλτέων βασιλεὺσ γῆσ τε τῆσ Κρηστωνικῆσ Θρῆιξ ἔργον ὑπερφυὲσ ἐργάσατο· ὃσ οὔτε αὐτὸσ ἔφη τῷ Ξέρξῃ ἑκὼν εἶναι δουλεύσειν, ἀλλ’ οἴχετο ἄνω ἐσ τὸ ὄροσ τὴν Ῥοδόπην, τοῖσί τε παισὶ ἀπηγόρευε μὴ στρατεύεσθαι ἐπὶ τὴν Ἑλλάδα. οἳ δὲ ἀλογήσαντεσ, ἢ ἄλλωσ σφι θυμὸσ ἐγένετο θεήσασθαι τὸν πόλεμον, ἐστρατεύοντο ἅμα τῷ Πέρσῃ·

ἐπεὶ δὲ ἀνεχώρησαν ἀσινέεσ πάντεσ ἓξ ἐόντεσ, ἐξώρυξε αὐτῶν ὁ πατὴρ τοὺσ ὀφθαλμοὺσ διὰ τὴν αἰτίην ταύτην.