Herodotus, The Histories, book 8, chapter 79

(헤로도토스, The Histories, book 8, chapter 79)

συνεστηκότων δὲ τῶν στρατηγῶν, ἐξ Αἰγίνησ διέβη Ἀριστείδησ ὁ Λυσιμάχου, ἀνὴρ Ἀθηναῖοσ μὲν ἐξωστρακισμένοσ δὲ ὑπὸ τοῦ δήμου· τὸν ἐγὼ νενόμικα, πυνθανόμενοσ αὐτοῦ τὸν τρόπον, ἄριστον ἄνδρα γενέσθαι ἐν Ἀθήνῃσι καὶ δικαιότατον. οὗτοσ ὡνὴρ στὰσ ἐπὶ τὸ συνέδριον ἐξεκαλέετο Θεμιστοκλέα, ἐόντα μὲν ἑωυτῷ οὐ φίλον ἐχθρὸν δὲ τὰ μάλιστα·

ὑπὸ δὲ μεγάθεοσ τῶν παρεόντων κακῶν λήθην ἐκείνων ποιεύμενοσ ἐξεκαλέετο, θέλων αὐτῷ συμμῖξαι· προακηκόεε δὲ ὅτι σπεύδοιεν οἱ ἀπὸ Πελοποννήσου ἀνάγειν τὰσ νέασ πρὸσ τὸν Ἰσθμόν. ὡσ δὲ ἐξῆλθέ οἱ Θεμιστοκλέησ, ἔλεγε Ἀριστείδησ τάδε.

"ἡμέασ στασιάζειν χρεόν ἐστι ἔν τε τῷ ἄλλῳ καιρῷ καὶ δὴ καὶ ἐν τῷδε περὶ τοῦ ὁκότεροσ ἡμέων πλέω ἀγαθὰ τὴν πατρίδα ἐργάσεται. λέγω δέ τοι ὅτι ἴσον ἐστὶ πολλά τε καὶ ὀλίγα λέγειν περὶ ἀποπλόου τοῦ ἐνθεῦτεν Πελοποννησίοισι.

ἐγὼ γὰρ αὐτόπτησ τοι λέγω γενόμενοσ ὅτι νῦν οὐδ’ ἢν θέλωσι Κορίνθιοί τε καὶ αὐτὸσ Εὐρυβιάδησ οἱοῖ́ τε ἔσονται ἐκπλῶσαι· περιεχόμεθα γὰρ ὑπὸ τῶν πολεμίων κύκλῳ. ἀλλ’ ἐσελθών σφι ταῦτα σήμηνον. " ὃ δ’ ἀμείβετο τοῖσιδε.

상위

The Histories

목록

일치하는 문장이 없습니다.

SEARCH

MENU NAVIGATION