호흡부호 보기
강세부호 보기
장단부호 보기
작은 Iota 보기
모든 부호 보기
τοῦ δὲ Ἀλεξάνδρου τούτου ἕβδομοσ γενέτωρ Περδίκκησ ἐστὶ ὁ κτησάμενοσ τῶν Μακεδόνων τὴν τυραννίδα τρόπῳ τοιῷδε. ἐξ Ἄργεοσ ἔφυγον ἐσ Ἰλλυριοὺσ τῶν Τημένου ἀπογόνων τρεῖσ ἀδελφεοί, Γαυάνησ τε καὶ Αἔροποσ καὶ Περδίκκησ, ἐκ δὲ Ἰλλυριῶν ὑπερβαλόντεσ ἐσ τὴν ἄνω Μακεδονίην ἀπίκοντο ἐσ Λεβαίην πόλιν. ἐνθαῦτα δὲ ἐθήτευον ἐπὶ μισθῷ παρὰ τῷ βασιλέι, ὃ μὲν ἵππουσ νέμων, ὁ δὲ βοῦσ, ὁ δὲ νεώτατοσ αὐτῶν Περδίκκησ τὰ λεπτὰ τῶν προβάτων.
ἡ δὲ γυνὴ τοῦ βασιλέοσ αὐτὴ τὰ σιτία σφι ἔπεσσε· ἦσαν γὰρ τὸ πάλαι καὶ αἱ τυραννίδεσ τῶν ἀνθρώπων ἀσθενέεσ χρήμασι, οὐ μοῦνον ὁ δῆμοσ· ὅκωσ δὲ ὀπτῴη, ὁ ἄρτοσ τοῦ παιδὸσ τοῦ θητὸσ Περδίκκεω διπλήσιοσ ἐγίνετο αὐτὸσ ἑωυτοῦ.
ἐπεὶ δὲ αἰεὶ τὠυτὸ τοῦτο ἐγίνετο, εἶπε πρὸσ τὸν ἄνδρα τὸν ἑωυτῆσ· τὸν δὲ ἀκούσαντα ἐσῆλθε αὐτίκα ὡσ εἰή τέρασ καὶ φέροι μέγα τι. καλέσασ δὲ τοὺσ θῆτασ προηγόρευέ σφι ἀπαλλάσσεσθαι ἐκ γῆσ τῆσ ἑωυτοῦ. οἳ δὲ τὸν μισθὸν ἔφασαν δίκαιοι εἶναι ἀπολαβόντεσ οὕτω ἐξιέναι.
ἐνθαῦτα ὁ βασιλεὺσ τοῦ μισθοῦ πέρι ἀκούσασ, ἦν γὰρ κατὰ τὴν καπνοδόκην ἐσ τὸν οἶκον ἐσέχων ὁ ἥλιοσ, εἶπε θεοβλαβὴσ γενόμενοσ "μισθὸν δὲ ὑμῖν ἐγὼ ὑμέων ἄξιον τόνδε ἀποδίδωμι," δέξασ τὸν ἥλιον. ὁ μὲν δὴ Γαυάνησ τε καὶ ὁ Αἔροποσ οἱ πρεσβύτεροι ἕστασαν ἐκπεπληγμένοι, ὡσ ἤκουσαν ταῦτα·
ὁ δὲ παῖσ, ἐτύγχανε γὰρ ἔχων μάχαιραν, εἴπασ τάδε "δεκόμεθα ὦ βασιλεῦ τὰ διδοῖσ," περιγράφει τῇ μαχαίρῃ ἐσ τὸ ἔδαφοσ τοῦ οἴκου τὸν ἥλιον, περιγράψασ δέ, ἐσ τὸν κόλπον τρὶσ ἀρυσάμενοσ τοῦ ἡλίου, ἀπαλλάσσετο αὐτόσ τε καὶ οἱ μετ’ ἐκείνου.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기