호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Ἑλλήνων ναυτικὸσ στρατὸσ ἀπὸ τοῦ Ἀρτεμισίου Ἀθηναίων δεηθέντων ἐσ Σαλαμῖνα κατίσχει τὰσ νέασ. τῶνδε δὲ εἵνεκα προσεδεήθησαν αὐτῶν σχεῖν πρὸσ Σαλαμῖνα Ἀθηναῖοι, ἵνα αὐτοὶ παῖδάσ τε καὶ γυναῖκασ ὑπεξαγάγωνται ἐκ τῆσ Ἀττικῆσ, πρὸσ δὲ καὶ βουλεύσωνται τὸ ποιητέον αὐτοῖσι ἔσται. ἐπὶ γὰρ τοῖσι κατήκουσι πρήγμασι βουλὴν ἔμελλον ποιήσασθαι ὡσ ἐψευσμένοι γνώμησ. δοκέοντεσ γὰρ εὑρήσειν Πελοποννησίουσ πανδημεὶ ἐν τῇ Βοιωτίῃ ὑποκατημένουσ τὸν βάρβαρον, τῶν μὲν εὑρ͂ον οὐδὲν ἐόν, οἳ δὲ ἐπυνθάνοντο τὸν Ἰσθμὸν αὐτοὺσ τειχέοντασ, ὡσ τὴν Πελοπόννησον περὶ πλείστου τε ποιευμένουσ περιεῖναι καὶ ταύτην ἔχοντασ ἐν φυλακῇ, τὰ ἄλλα δὲ ἀπιέναι.
ταῦτα πυνθανόμενοι οὕτω δὴ προσεδεήθησαν σφέων σχεῖν πρὸσ τὴν Σαλαμῖνα.
호흡부호 보기
강세부호 보기
장단부호 보기
작은 Iota 보기
모든 부호 보기