헬라어 문장 검색 - ΗεροδόΤηεΗιστ́8́135́

(헤로도토스, The Histories, book 8, chapter 129)

ὃ μὲν δὴ τοιούτῳ τρόπῳ ἐπάιστοσ ἐγεγόνεε· Ἀρταβάζῳ δὲ ἐπειδὴ πολιορκέοντι ἐγεγόνεσαν τρεῖσ μῆνεσ, γίνεται ἄμπωτισ τῆσ θαλάσσησ μεγάλη καὶ χρόνον ἐπὶ πολλόν. ἰδόντεσ δὲ οἱ βάρβαροι τέναγοσ γενόμενον παρήισαν ἐσ τὴν Παλλήνην. ὡσ δὲ τὰσ δύο μὲν μοίρασ διοδοιπορήκεσαν, ἔτι δὲ τρεῖσ ὑπόλοιποι ἦσαν, τὰσ διελθόντασ χρῆν εἶναι ἔσω ἐν τῇ Παλλήνῃ, ἐπῆλθε πλημμυρὶσ τῆσ θαλάσσησ μεγάλη, ὅση οὐδαμά κω, ὡσ οἱ ἐπιχώριοι λέγουσι, πολλάκισ γινομένη.

οἱ μὲν δὴ νέειν αὐτῶν οὐκ ἐπιστάμενοι διεφθείροντο, τοὺσ δὲ ἐπισταμένουσ οἱ Ποτιδαιῆται ἐπιπλώσαντεσ πλοίοισι ἀπώλεσαν. αἴτιον δὲ λέγουσι Ποτιδαιῆται τῆσ τε ῥηχίησ καὶ τῆσ πλημμυρίδοσ καὶ τοῦ Περσικοῦ πάθεοσ γενέσθαι τόδε, ὅτι τοῦ Ποσειδέωνοσ ἐσ τὸν νηὸν καὶ τὸ ἄγαλμα τὸ ἐν τῷ προαστείῳ ἠσέβησαν οὗτοι τῶν Περσέων οἵ περ καὶ διεφθάρησαν ὑπὸ τῆσ θαλάσσησ·

αἴτιον δὲ τοῦτο λέγοντεσ εὖ λέγειν ἔμοιγε δοκέουσι. τοὺσ δὲ περιγενομένουσ ἀπῆγε Ἀρτάβαζοσ ἐσ Θεσσαλίην παρὰ Μαρδόνιον. οὗτοι μὲν οἱ προπέμψαντεσ βασιλέα οὕτω ἔπρηξαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 8, chapter 129

(헤로도토스, The Histories, book 8, chapter 129)

상위

목록

SEARCH

MENU NAVIGATION