헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 83)

τίσιν οὖν ἀφορμαῖσ εἰσ τὰ πράγματα χρησόμεθα καὶ ποίαισ συμμαχίαισ; τοῦτο γὰρ λοιπὸν εἰπεῖν.

πρώταισ μὲν ταῖσ παρὰ τῶν θεῶν ἐλπίσιν, ὧν ἱερὰ καὶ τεμένη καὶ βωμοὺσ μιαίνει Ταρκύνιοσ ταῖσ αἱμοφύρτοισ χερσὶ καὶ παντὸσ ἐμφυλίου γεμούσαισ ἄγουσ θυσιῶν καὶ σπονδῶν καταρχόμενοσ· ἔπειτα ταῖσ ἐξ ἡμῶν αὐτῶν οὔτ’ ὀλίγων ὄντων οὔτ’ ἀπείρων πολέμου· πρὸσ δὲ τούτοισ ταῖσ παρὰ τῶν συμμάχων ἐπικουρίαισ, οἳ μὴ καλούντων μὲν ἡμῶν οὐδὲν ἀξιώσουσι πολυπραγμονεῖν, ἐὰν δ’ ἀρετῆσ ὁρῶσι μεταποιουμένουσ ἄσμενοι συναροῦνται τοῦ πολέμου· τυραννὶσ γὰρ ἅπασιν ἐχθρὰ τοῖσ βουλομένοισ ἐλευθέροισ εἶναι. εἰ δέ τινεσ ὑμῶν τοὺσ ἐπὶ στρατοπέδου συνόντασ ἅμα Ταρκυνίῳ πολίτασ δεδοίκασιν, ὡσ ἐκείνῳ μὲν συναγωνιουμένουσ, ἡμῖν δὲ πολεμήσοντασ, οὐκ ὀρθῶσ δεδοίκασι.

βαρεῖα γὰρ κἀκείνοισ ἡ τυραννὶσ καὶ ἔμφυτοσ ἅπασιν ἀνθρώποισ ὁ τῆσ ἐλευθερίασ πόθοσ, καὶ πᾶσα μεταβολῆσ πρόφασισ τοῖσ δι’ ἀνάγκην ταλαιπωροῦσιν ἱκανή· οὕσ, εἰ ψηφιεῖσθε τῇ πατρίδι βοηθεῖν, οὐ φόβοσ ὁ καθέξων ἔσται παρὰ τοῖσ τυράννοισ, οὐ χάρισ, οὐχ ἕτερόν τι τῶν βιαζομένων ἢ πειθόντων ἀνθρώπουσ τὰ μὴ δίκαια πράττειν.

εἰ δέ τισιν αὐτῶν ἄρα διὰ κακὴν φύσιν ἢ πονηρὰσ τροφὰσ τὸ φιλοτύραννον ἐμπέφυκεν οὐ πολλοῖσ οὖσι μὰ Δία, μεγάλαισ καὶ τούτουσ ἀνάγκαισ ἐνζεύξομεν, ὥστ’ ἐκ πονηρῶν γενέσθαι χρηστούσ·

ὅμηρα γὰρ αὐτῶν ἔχομεν ἐν τῇ πόλει τέκνα καὶ γυναῖκασ καὶ γονεῖσ, ἃ τιμιώτερα τῆσ ἰδίασ ἐστὶν ἑκάστῳ ψυχῆσ. ταῦτά τ’ οὖν αὐτοῖσ ἀποδώσειν, ἐὰν ἀποστῶσι τῶν τυράννων, ὑπισχνούμενοι καὶ ἄδειαν ὧν ἥμαρτον ψηφιζόμενοι ῥᾳδίωσ πείσομεν. ὥστε θαρροῦντεσ, ὦ δημόται, καὶ ἀγαθὰσ ἔχοντεσ ὑπὲρ τῶν μελλόντων ἐλπίδασ χωρεῖτε πρὸσ τὸν ἀγῶνα, κάλλιστον ὧν πώποτε ἤρασθε πολέμων τόνδε ὑποστησόμενοι.

ἡμεῖσ μὲν οὖν, ὦ θεοὶ πατρῷοι, φύλακεσ ἀγαθοὶ τῆσδε τῆσ γῆσ, καὶ δαίμονεσ, οἳ τοὺσ πατέρασ ἡμῶν λελόγχατε, καὶ πόλισ θεοφιλεστάτη πόλεων, ἐν ᾗ γενέσεώσ τε καὶ τροφῆσ ἐτύχομεν, ἀμυνοῦμεν ὑμῖν καὶ γνώμαισ καὶ λόγοισ καὶ χερσὶ καὶ ψυχαῖσ, καὶ πάσχειν ἕτοιμοι πᾶν, ὅ τι ἂν ὁ δαίμων καὶ τὸ χρεὼν φέρῃ.

μαντεύομαι δὲ καλοῖσ ἐγχειρήμασιν εὐτυχὲσ ἀκολουθήσειν τέλοσ.

εἰή δὲ τούτοισ ἅπασι ταὐτὸ λαβοῦσι θάρσοσ καὶ μιᾷ γνώμῃ χρησαμένοισ, σώζειν θ’ ἡμᾶσ καὶ σώζεσθαι ὑφ’ ἡμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 83

(디오니시오스, Antiquitates Romanae, Books IV-VI, book 4, chapter 83)

상위

목록

SEARCH

MENU NAVIGATION