헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 44

(디오니시오스, Antiquitates Romanae, Books IV-VI, book 4, chapter 44)

ποταμοῦ καταγαγεῖν, τὸν δ’ ἀμφιθέατρον ἱππόδρομον οὐδὲν ἔξω κρηπίδων ἔχοντα παστάσιν ὑποστέγοισ περιλαβεῖν· ταῦτα δὴ πάντεσ οἱ πένητεσ εἰργάζοντο σῖτα παρ’ αὐτοῦ μέτρια λαμβάνοντεσ·

οἱ μὲν λατομοῦντεσ, οἱ δ’ ὑλοτομοῦντεσ, οἱ δὲ τὰσ κομιζούσασ ταῦθ’ ἁμάξασ ἄγοντεσ, οἱ δ’ ἐπὶ τῶν ὤμων αὐτοὶ τὰ ἄχθη φέροντεσ· μεταλλεύοντέσ τε τὰσ ὑπονόμουσ σήραγγασ ἕτεροι καὶ πλάττοντεσ τὰσ ἐν αὐταῖσ καμάρασ καὶ τὰσ παστάδασ ἐγείροντεσ, καὶ τοῖσ ταῦτα πράττουσι χειροτέχναισ ὑπηρετοῦντεσ χαλκοτύποι τε καὶ τέκτονεσ καὶ λιθουργοὶ τῶν ἰδιωτικῶν ἔργων ἀφεστῶτεσ ἐπὶ ταῖσ δημοσίαισ κατείχοντο χρείαισ. περὶ ταῦτα δὴ τὰ ἔργα τριβόμενοσ ὁ λεὼσ οὐδεμίαν ἀνάπαυσιν ἐλάμβανεν·

ὥσθ’ οἱ πατρίκιοι τὰ τούτων κακὰ καὶ τὰσ λατρείασ ὁρῶντεσ ἔχαιρόν τ’ ἐν μέρει καὶ τῶν ἰδίων ἐπελανθάνοντο ἀλγεινῶν·

κωλύειν μὲν γὰρ οὐδέτεροι τὰ γινόμενα ἐπεχείρουν.