헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 38)

ὡσ δὲ καὶ ταύτησ διήμαρτε τῆσ πείρασ ὁ Ταρκύνιοσ, ἀδημονῶν ἐπὶ τῷ μηδεμίαν αὐτῷ βοήθειαν παρὰ τῆσ βουλῆσ, ᾗ μάλιστα ἐπεποίθει, γενέσθαι, χρόνον μέν τινα διέτριβε κατ’ οἰκίαν τοῖσ ἑταίροισ μόνοισ διαλεγόμενοσ· ἔπειτα γνώμην ἀποδειξαμένησ τῆσ γυναικὸσ μηδὲν ἔτι μαλακίζεσθαι μηδὲ κατοκνεῖν, ἀλλὰ καταβαλόντα τοὺσ λόγουσ ἐπὶ τὰ ἔργα χωρεῖν διαλλαγὰσ πρῶτον εὑρόμενον διὰ φίλων πρὸσ τὸν Τύλλιον, ἵνα πιστεύσασ ὡσ φίλῳ γεγονότι ἧττον αὐτὸν φυλάττοιτο, δόξασ δ’ αὐτὴν τὰ κράτιστα ὑποθέσθαι μετανοεῖν τε περὶ τῶν γεγονότων ἐσκήπτετο καὶ πολλὰ διὰ φίλων λιπαρῶν τὸν Τύλλιον ἠξίου συγγνώμονα γενέσθαι.

ῥᾷστα δὲ πείσασ τὸν ἄνδρα φύσει τ’ εὐδιάλλακτον ὄντα καὶ οὐκ ἀξιοῦντα πόλεμον ἄσπειστον θυγατρὶ καὶ γαμβρῷ πολεμεῖν, ἐπειδὴ τὸν οἰκεῖον καιρὸν ἔλαβε διεσκεδασμένου τοῦ δήμου κατὰ τοὺσ ἀγροὺσ ἐπὶ τὴν τῶν καρπῶν συγκομιδήν, ἐξῆλθε μετὰ τῶν ἑταίρων ἐχόντων ὑπὸ ταῖσ περιβολαῖσ ξίφη, τούσ τε πελέκεισ ὑπηρέταισ τισὶν ἀναδοὺσ καὶ αὐτὸσ τὴν βασιλικὴν ἐσθῆτα λαβὼν καὶ τἆλλα παράσημα τῆσ ἀρχῆσ ἐπαγόμενοσ·

ἐλθὼν δ’ εἰσ τὴν ἀγορὰν καὶ πρὸ τοῦ βουλευτηρίου στὰσ ἐκέλευσε τῷ κήρυκι τοὺσ βουλευτὰσ καλεῖν εἰσ τὸ συνέδριον. ἦσαν δ’ ἐκ παρασκευῆσ ἕτοιμοι περὶ τὴν ἀγορὰν οἱ συνειδότεσ αὐτῷ τὴν πρᾶξιν καὶ παρορμῶντεσ ἐκ τῶν πατρικίων συχνοί. οἱ μὲν δὴ συνῄεσαν· τῷ δὲ Τυλλίῳ λέγει τισ ἐλθὼν ὄντι κατ’ οἰκίαν, ὅτι Ταρκύνιοσ ἐν ἐσθῆτι βασιλικῇ προελήλυθε καὶ καλεῖ τοὺσ βουλευτὰσ εἰσ τὸ συνέδριον.

ὁ δὲ θαυμάσασ τὴν τόλμαν αὐτοῦ τάχιον ἢ φρονιμώτερον προῆλθεν ἐκ τῆσ οἰκίασ οὐ πολλοὺσ περὶ ἑαυτὸν ἔχων. ἐλθὼν δ’ εἰσ τὸ συνέδριον καὶ τὸν Ταρκύνιον ἰδὼν ἐπὶ τῆσ βασιλικῆσ καθήμενον ἕδρασ καὶ τὸν ἄλλον βασίλειον ἔχοντα κόσμον· τίσ, εἶπεν, ὦ μιαρώτατε ἀνθρώπων, τοῦτό σοι τὸ σχῆμα συνεχώρησε λαβεῖν;

καὶ ὃσ ὑπολαβών· ἡ σὴ τόλμα καὶ ἀναίδεια, εἶπεν, ὦ Τύλλιε, ὃσ οὐδ’ ἐλεύθεροσ ὤν, ἀλλὰ δοῦλοσ ἐκ δούλησ, ἣν οὑμὸσ ἐκτήσατο πάπποσ ἐκ τῶν αἰχμαλώτων, ἐτόλμησασ βασιλέα Ῥωμαίων σεαυτὸν ἀναδεῖξαι. τῆσ ἕδρασ.

καὶ ὁ Ταρκύνιοσ ἄσμενοσ τοῦτ’ ἰδὼν ἀναπηδᾷ τ’ ἀπὸ τοῦ δίφρου, καὶ συναρπάσασ τὸν γέροντα κεκραγότα καὶ τοὺσ ὑπηρέτασ ἐπικαλούμενον ἔφερε.

γενόμενοσ δ’ ἔξω τοῦ βουλευτηρίου μετέωρον ἐξαρπάσασ αὐτὸν ἀκμάζων τὸ σῶμα καὶ ῥωμαλέοσ ἀνὴρ ῥιπτεῖ κατὰ τῶν κρηπίδων τοῦ βουλευτηρίου τῶν εἰσ τὸ ἐκκλησιαστήριον φερουσῶν. μόγισ δ’ ἐκ τοῦ πτώματοσ ἀναστὰσ ὁ πρεσβύτησ ὡσ εἶδε μεστὰ τὰ πέριξ ἅπαντα τῆσ περὶ τὸν Ταρκύνιον ἑταιρείασ, τῶν δ’ αὐτοῦ φίλων πολλὴν ἐρημίαν, ἀπῄει στένων κρατούντων καὶ παραπεμπόντων αὐτὸν ὀλίγων, αἵματι πολλῷ ῥεόμενοσ καὶ κακῶσ ὅλον ἑαυτὸν ἐκ τοῦ πτώματασ ἔχων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 38

(디오니시오스, Antiquitates Romanae, Books IV-VI, book 4, chapter 38)

상위

목록

SEARCH

MENU NAVIGATION