Dionysius of Halicarnassus, Antiquitates Romanae, Books IV-VI, book 4, chapter 82

(디오니시오스, Antiquitates Romanae, Books IV-VI, book 4, chapter 82)

αὕτη Σπορίου μέν ἐστι Λουκρητίου θυγάτηρ, ὃν ἀπέδειξε τῆσ πόλεωσ ἔπαρχον ὁ τύραννοσ ἐξιὼν ἐπὶ τὸν πόλεμον, Ταρκυνίου δὲ Κολλατίνου γυνὴ τοῦ συγγενοῦσ τῶν τυράννων καὶ πολλὰ ὑπὲρ αὐτῶν κακοπαθήσαντοσ. αὕτη μέντοι σωφρονεῖν βουλομένη καὶ τὸν ἄνδρα τὸν ἑαυτῆσ φιλοῦσα, ὥσπερ ἀγαθῇ προσήκει γυναικί, ξενιζομένου παρ’ αὐτῇ Σέξτου διὰ τὴν συγγένειαν τῇ παρελθούσῃ νυκτί, Κολλατίνου δὲ τότ’ ἀποδημοῦντοσ ἐπὶ στρατοπέδου, τὴν ἀκόλαστον ὕβριν τῆσ τυραννίδοσ οὐκ ἐδυνήθη διαφυγεῖν, ἀλλ’ ὥσπερ αἰχμάλωτοσ ὑπ’ ἀνάγκησ κρατηθεῖσα ὑπέμεινεν ὅσα μὴ θέμισ ἐλευθέρᾳ γυναικὶ παθεῖν. διήσεισ καὶ ἀράσ, ἵνα τιμωροὶ τοῖσ κακοῖσ αὐτῆσ γένοιντο καὶ τὸ κεκρυμμένον ὑπὸ τοῖσ κόλποισ ξίφοσ σπασαμένη τοῦ πατρὸσ ὁρῶντοσ, ὦ δημόται, διὰ τῶν ἑαυτῆσ σπλάγχνων ἔβαψε τὸν σίδηρον.

ὦ θαυμαστὴ σὺ καὶ πολλῶν ἐπαίνων ἀξία τῆσ εὐγενοῦσ προαιρέσεωσ, οἴχῃ καὶ ἀπόλωλασ οὐχ ὑπομείνασα τυραννικὴν ὕβριν, ἁπάσασ ὑπεριδοῦσα τὰσ ἐν τῷ ζῆν ἡδονάσ, ἵνα σοι μηδὲν ἔτι τοιοῦτον συμβῇ παθεῖν.

ἔπειτα σὺ μέν, ὦ Λουκρητία, γυναικείασ τυχοῦσα φύσεωσ ἀνδρὸσ εὐγενοῦσ φρόνημα ἔσχεσ, ἡμεῖσ δ’ ἄνδρεσ γενόμενοι γυναικῶν χείρουσ ἀρετῇ γενησόμεθα; καὶ σοὶ μέν, ὅτι μίαν ἐτυραννήθησ νύκτα τὴν ἀμίαντον ἀφαιρεθεῖσ’ αἰδῶ μετὰ βίασ, ἡδίων καὶ μακαριώτεροσ ἔδοξεν ὁ θάνατοσ εἶναι τοῦ βίου, ἡμῖν δ’ ἆρ’ οὐ παραστήσεται τὸ αὐτὸ τοῦτο ὑπολαβεῖν, ὧν Ταρκύνιοσ οὐ μίαν ἡμέραν, ἀλλὰ πέμπτον καὶ εἰκοστὸν ἔτοσ ἤδη τυραννῶν, πάσασ ἀφῄρηται τὰσ ἐν τῷ ζῆν ἡδονὰσ ἐλευθερίαν ἀφελόμενοσ; οὐκ ἔστιν ἡμῖν, ὦ δημόται, βιωτὸν ἐν τοιούτοισ καλινδουμένοισ κακοῖσ, ἐκείνων τῶν ἀνδρῶν οὖσιν ἀπογόνοισ, οἳ τὰ δίκαια τάττειν ἠξίουν τοῖσ ἄλλοισ καὶ πολλοὺσ ὑπὲρ ἀρχῆσ καὶ δόξησ ἤραντο κινδύνουσ·

ἀλλὰ δυεῖν θάτερον ἅπασιν αἱρετέον, ἢ βίον ἐλεύθερον, ἢ θάνατον ἔνδοξον.

ἥκει δὲ καιρόσ, οἱο͂ν εὐχόμεθα, μεθεστηκότοσ μὲν ἐκ τῆσ πόλεωσ Ταρκυνίου, ἡγουμένων δὲ τῆσ ἐπιχειρήσεωσ τῶν πατρικίων, οὐδενὸσ δ’ ἡμῖν ἐλλείψοντοσ, ἐὰν ἐκ προθυμίασ χωρήσωμεν ἐπὶ τὰ ἔργα, οὐ σωμάτων, οὐ χρημάτων, οὐχ ὅπλων, οὐ στρατηγῶν, οὐ τῆσ ἄλλησ τῆσ εἰσ τὰ πολέμια παρασκευῆσ·

μεστὴ γὰρ ἁπάντων ἡ πόλισ, αἰσχρόν τε Οὐολούσκων καὶ Σαβίνων καὶ μυρίων ἄλλων ἄρχειν ἀξιοῦν, αὐτοὺσ δὲ δουλεύοντασ ἑτέροισ ὑπομένειν, καὶ περὶ μὲν τῆσ Ταρκυνίου πλεονεξίασ πολλοὺσ ἀναιρεῖσθαι πολέμουσ, περὶ δὲ τῆσ ἑαυτῶν ἐλευθερίασ μηδένα.

일치하는 문장이 없습니다.

SEARCH

MENU NAVIGATION