헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 63

(디오니시오스, Antiquitates Romanae, Books IV-VI, book 4, chapter 63)

ταῦτα διαπραξάμενοσ ὁ Ταρκύνιοσ ἐν εἰνήνῃ τε καὶ κατὰ πολέμουσ καὶ δύο πόλεισ ἀποικίσασ τὴν μὲν καλουμένην Σιγνίαν οὐ κατὰ προαίρεσεν, ἀλλ’ ἐκ ταὐτομάτου, χειμασάντων ἐν τῷ χωρίῳ τῶν στρατιωτῶν καὶ κατασκευασαμένων τὸ στρατόπεδον ὡσ μηδὲν διαφέρειν πόλεωσ· Κιρκαίαν δὲ κατὰ λογισμόν, ὅτι τοῦ Πωμεντίνου πεδίου μεγίστου τῶν περὶ τῇ Λατίνῃ καὶ τῆσ συναπτούσησ αὐτῷ θαλάττησ ἔκειτο ἐν καλῷ·

ἔστι δὲ χερσονησοειδὴσ σκόπελοσ ὑψηλὸσ ἐπιεικῶσ ἐπὶ τοῦ Τυρρηνικοῦ πελάγουσ κείμενοσ, ἔνθα λόγοσ ἔχει Κίρκην τὴν Ἡλίου θυγατέρα κατοικῆσαι· προθεσπίσαντοσ αὐτῷ τοῦ δαιμονίου τὴν μέλλουσαν γενήσεσθαι περὶ τὸν οἶκον συμφορὰν πολλοῖσ μὲν καὶ ἄλλοισ οἰωνοῖσ, τελευταίῳ δὲ τῷδε.

αἰετοὶ συνιόντεσ εἰσ τὸν παρακείμενον τοῖσ βασιλείοισ κῆπον ἐάροσ ὡρ́ᾳ νεοττιὰν ἔπλαττον ἐπὶ κορυφῇ φοίνικοσ ὑψηλοῦ.

τούτων δὲ τῶν αἰετῶν ἀπτῆνασ ἔτι τοὺσ νεοττοὺσ ἐχόντων γῦπεσ ἀθρόοι προσπετασθέντεσ τήν τε νεοττιὰν διεφόρησαν καὶ τοὺσ νεοττοὺσ ἀπέκτειναν καὶ τοὺσ αἰετοὺσ προσιόντασ ἀπὸ τῆσ νομῆσ ἀμύττοντέσ τε καὶ παίοντεσ τοῖσ ταρσοῖσ ἀπὸ τοῦ φοίνικοσ ἀπήλασαν. τούτουσ τοὺσ οἰωνοὺσ ἰδὼν ὁ Ταρκύνιοσ καὶ φυλαττόμενοσ, εἴ πωσ δύναιτο διακρούσασθαι τὴν μοῖραν, οὐκ ἴσχυσε νικῆσαι τὸ χρεών, ἀλλ’ ἐπιθεμένων αὐτῷ τῶν πατρικίων καὶ τοῦ δήμου συμφρονήσαντοσ ἐξέπεσε τῆσ δυναστείασ.

οἵτινεσ δ’ ἦσαν οἱ τῆσ ἐπαναστάσεωσ ἄρξαντεσ καὶ δι’ οἱών τρόπων ἦλθον ἐπὶ τὰ πράγματα, δἰ ὀλίγων πειράσομαι διελθεῖν.