Dionysius of Halicarnassus, Antiquitates Romanae, Books IV-VI, book 4, chapter 66

(디오니시오스, Antiquitates Romanae, Books IV-VI, book 4, chapter 66)

ἡμέρασ δὲ γενομένησ ὁ μὲν ἐπὶ τὸ στρατόπεδον ἀπῄει πονηρὰν καὶ ὀλέθριον ἐπιθυμίαν ἐκπεπληρωκώσ, ἡ δὲ Λουκρητία δεινῶσ φέρουσα τὸ συμβεβηκὸσ ὡσ εἶχε τάχουσ ἐπιβᾶσα τῆσ ἀπήνησ εἰσ Ῥώμην ᾤχετο, μέλαιναν ἐσθῆτα περιβαλομένη καὶ ξιφίδιόν τι κρύπτουσα ὑπὸ τῇ στολῇ, οὔτε προσαγορεύουσα κατὰ τὰσ συναντήσεισ οὐδένα τῶν ἀσπαζομένων οὔτ’ ἀποκρινομένη τοῖσ μαθεῖν βουλομένοισ, ὅ τι πέπονθεν, ἀλλὰ σύννουσ καὶ κατηφὴσ καὶ μεστοὺσ ἔχουσα τοὺσ ὀφθαλμοὺσ δακρύων. ὡσ δ’ εἰσ τὴν οἰκίαν εἰσῆλθε τοῦ πατρόσ·

ἔτυχον δὲ συγγενεῖσ ὄντεσ τινὲσ παρ’ αὐτῷ· τῶν γονάτων αὐτοῦ λαβομένη καὶ περιπεσοῦσα τέωσ μὲν ἔκλαιε φωνὴν οὐδεμίαν προϊεμένη, ἔπειτ’ ἀνιστάντοσ αὐτὴν τοῦ πατρὸσ καὶ τί πέπονθεν ἀξιοῦντοσ λέγειν· ἱκέτισ ἔφη γίνομαί σου πάτερ δεινὴν καὶ ἀνήκεστον ὑπομείνασα ὕβριν, τιμωρῆσαί μοι καὶ μὴ περιιδεῖν τὴν σεαυτοῦ θυγατέρα θανάτου χείρονα παθοῦσαν. θαυμάσαντοσ δ’ αὐτοῦ καὶ τῶν ἄλλων ἁπάντων καὶ τίσ ὕβρικεν αὐτὴν καὶ ποδαπὴν ὕβριν ἀξιοῦντοσ λέγειν·

ἀκούσῃ τὰσ ἐμάσ, ἔφη, συμφοράσ, ὦ πάτερ, οὐκ εἰσ μακράν·

χάρισαι δέ μοι ταύτην πρῶτον αἰτουμένῃ τὴν χάριν· κάλεσον ὅσουσ δύνασαι πλείστουσ φίλουσ τε καὶ συγγενεῖσ, ἵνα παρ’ ἐμοῦ τῆσ τὰ δεινὰ παθούσησ ἀκούσωσι καὶ μὴ παρ’ ἑτέρων. ὅταν δὲ μάθῃσ τὰσ κατασχούσασ αἰσχρὰσ καὶ δεινὰσ ἀνάγκασ, βούλευσαι μετ’ αὐτῶν, ὅντινα τιμωρήσεισ ἐμοί τε καὶ σεαυτῷ τρόπον καὶ μὴ πολὺν ποίει χρόνον τὸν διὰ μέσου.

일치하는 문장이 없습니다.

SEARCH

MENU NAVIGATION