Dionysius of Halicarnassus, Antiquitates Romanae, Books IV-VI, book 4, chapter 10

(디오니시오스, Antiquitates Romanae, Books IV-VI, book 4, chapter 10)

τοιαῦτα λέγοντοσ αὐτοῦ πολὺσ ἔπαινοσ ἐκ τῆσ ἐκκλησίασ ἐγένετο τῶν μέν, ὅτι πιστὸσ ἦν καὶ δίκαιοσ περὶ τοὺσ εὐεργέτασ, ἐπαινούντων, τῶν δ’, ὅτι φιλάνθρωποσ καὶ μεγαλόψυχοσ εἰσ τοὺσ ἀπόρουσ, τῶν δ’, ὡσ μέτριοσ καὶ δημοτικὸσ πρὸσ τοὺσ ταπεινοτέρουσ, ἁπάντων δ’, ὅτι νόμιμοσ καὶ δίκαιοσ ἄρχων, ἀγαπώντων τε καὶ τεθαυμακότων. διαλυθείσησ δὲ τῆσ ἐκκλησίασ ταῖσ ἑξῆσ ἡμέραισ ἀπογράφεσθαι κελεύσασ τοὺσ ὑποχρέουσ, ὅσοι τὴν πίστιν ἀδύνατοι ἦσαν φυλάττειν, τίσιν ὀφείλουσι καὶ πόσον ἕκαστοσ, ἐπειδὴ τὰσ ἀπογραφὰσ ἔλαβε, τραπέζασ θεὶσ ἐν ἀγορᾷ πάντων ὁρώντων ἀπηρίθμει τοῖσ δανεισταῖσ τὰ χρέα.

ταῦτα διαπραξάμενοσ ἐξέθηκεν ἐν φανερῷ διάταγμα βασιλικόν, ἐκχωρεῖν τῆσ δημοσίασ γῆσ τοὺσ καρπουμένουσ τε καὶ ἰδίᾳ κατέχοντασ αὐτὴν ἐν ὡρισμένῳ τινὶ χρόνῳ, καὶ τοὺσ οὐδένα κλῆρον ἔχοντασ τῶν πολιτῶν πρὸσ ἑαυτὸν ἀπογράφεσθαι·

τῶν ἀρχαίων καὶ παρημελημένων ἀνανεούμενοσ, οὓσ Ῥωμύλοσ τ’ εἰσηγήσατο καὶ Νόμασ Πομπίλιοσ, οὓσ δ’ αὐτὸσ καθιστάμενοσ.

ταῦτα δ’ αὐτοῦ πολιτευομένου χαλεπῶσ ἔφερον οἱ πατρίκιοι καταλυομένην τὴν δυναστείαν τῆσ βουλῆσ ὁρῶντεσ καὶ λογισμοὺσ οὐκέτι τοὺσ αὐτούσ, ἀλλ’ ἐναντίουσ τοῖσ προτέροισ ἐλάμβανον.

ἐν ἀρχαῖσ μὲν γὰρ ὡρ́μησαν ἀφελέσθαι τὴν παράνομον αὐτοῦ δυναστείαν ἀποδείξαντεσ μεσοβασιλεῖσ καὶ δι’ ἐκείνων ἑλέσθαι τὸν κατὰ νόμουσ ἕξοντα τὴν ἀρχήν·

τότε δὲ στέργειν ἐπὶ τοῖσ παροῦσιν ᾤοντο δεῖν καὶ μηδὲν πολυπραγμονεῖν. εἰσῄει γὰρ αὐτοῖσ λογισμόσ, ὅτι τῆσ μὲν βουλῆσ, ὃν αὐτὴ προῃρεῖτο, παραγούσησ ἐπὶ τὰ πράγματα ὁ δῆμοσ ἐναντιώσεται τὴν ψῆφον ἀναλαβών· ἐὰν δ’ ἐπὶ τῷ δήμῳ ποιήσωσι τὴν τοῦ βασιλέωσ προαίρεσιν, ἅπασαι τὸν Τύλλιον ψηφοφορήσουσιν αἱ φρᾶτραι, καὶ περιέσται τῷ ἀνδρὶ τὸ δοκεῖν κατὰ νόμουσ ἄρχειν. ἔδοξεν οὖν αὐτοῖσ ἄμεινον εἶναι κλέπτοντα τὴν ἀρχὴν τὸν ἄνδρα καὶ παρακρουόμενον τοὺσ πολίτασ μᾶλλον ἢ πείσαντα καὶ φανερῶσ λαβόντα κατέχειν.

ἀλλ’ οὐδὲν αὐτοῖσ ἐγένετο προὔργου τῶν λελογισμένων·

οὕτω κατεστρατήγησεν αὐτοὺσ ὁ Τύλλιοσ καὶ κατέσχε τὴν βασιλείαν ἀκόντων ἐκείνων. κατασκευάσασ γὰρ ἐκ πολλοῦ φήμασ λέγεσθαι κατὰ πόλιν. ὡσ ἐπιβουλευόντων αὐτῷ τῶν πατρικίων προῆλθεν εἰσ τὴν ἀγορὰν ἐσθῆτα πιναρὰν περιβεβλημένοσ καὶ κατηφὴσ συνούσησ αὐτῷ καὶ τῆσ μητρὸσ Ὀκρισίασ καὶ τῆσ Ταρκυνίου γυναικὸσ Τανακυλίδοσ καὶ τῆσ συγγενείασ τῆσ βασιλικῆσ ὅλησ. ὄχλου δὲ συνδραμόντοσ πολλοῦ πρὸσ τὸ παράδοξον τῆσ ὄψεωσ ἐκκλησίαν συγκαλέσασ προῆλθεν ἐπὶ τὸ βῆμα καὶ διεξῆλθε τοιοῦτόν τινα λόγον.

일치하는 문장이 없습니다.

SEARCH

MENU NAVIGATION