헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 62)

λέγεται δέ τι καὶ ἕτερον ἐπὶ τῆσ Ταρκυνίου δυναστείασ πάνυ θαυμαστὸν εὐτύχημα τῇ Ῥωμαίων ὑπάρξαι πόλει εἴτε θεῶν τινοσ εἴτε δαιμόνων εὐνοίᾳ δωρηθέν· ὅπερ οὐ πρὸσ ὀλίγον καιρόν, ἀλλ’ εἰσ ἅπαντα τὸν βίον πολλάκισ αὐτὴν ἔσωσεν ἐκ μεγάλων κακῶν.

γυνή τισ ἀφίκετο πρὸσ τὸν τύραννον οὐκ ἐπιχωρία βύβλουσ ἐννέα μεστὰσ Σιβυλλείων χρησμῶν ἀπεμπολῆσαι θέλουσα.

οὐκ ἀξιοῦντοσ δὲ τοῦ Ταρκυνίου τῆσ αἰτηθείσησ τιμῆσ πρίασθαι τὰσ βύβλουσ ἀπελθοῦσα τρεῖσ ἐξ αὐτῶν κατέκαυσε· καὶ μετ’ οὐ πολὺν χρόνον τὰσ λοιπὰσ ἓξ ἐνέγκασα τῆσ αὐτῆσ ἐπώλει τιμῆσ. ἡμισείασ τῶν ἀπολειπομένων κατέκαυσε καὶ τὰσ λοιπὰσ τρεῖσ ἐνέγκασα τὸ ἴσον ᾔτει χρυσίον.

θαυμάσασ δὴ τὸ βούλημα τῆσ γυναικὸσ ὁ Ταρκύνιοσ τοὺσ οἰωνοσκόπουσ μετεπέμψατο καὶ διηγησάμενοσ αὐτοῖσ τὸ πρᾶγμα, τί χρὴ πράττειν, ἤρετο.

κἀκεῖνοι διὰ σημείων τινῶν μαθόντεσ, ὅτι θεόπεμπτον ἀγαθὸν ἀπεστράφη, καὶ μεγάλην συμφορὰν ἀποφαίνοντεσ τὸ μὴ πάσασ αὐτὸν τὰσ βύβλουσ πρίασθαι, ἐκέλευσαν ἀπαριθμῆσαι τῇ γυναικὶ τὸ χρυσίον, ὅσον ᾔτει καὶ τοὺσ περιόντασ τῶν χρησμῶν λαβεῖν. περὶ τὴν πύστιν καταμηνυθέντα ὑφ’ ἑνὸσ τῶν δημοσίων, ὡσ πατροκτόνον εἰσ ἀσκὸν ἐνράψασ βόειον ἔρριψεν εἰσ τὸ πέλαγοσ.

μετὰ δὲ τὴν ἐκβολὴν τῶν βασιλέων ἡ πόλισ ἀναλαβοῦσα τὴν τῶν χρησμῶν προστασίαν ἄνδρασ τε τοὺσ ἐπιφανεστάτουσ ἀποδείκνυσιν αὐτῶν φύλακασ, οἳ διὰ βίου ταύτην ἔχουσι τὴν ἐπιμέλειαν στρατειῶν ἀφειμένοι καὶ τῶν ἄλλων τῶν κατὰ πόλιν πραγματειῶν, καὶ δημοσίουσ αὐτοῖσ παρακαθίστησιν, ὧν χωρὶσ οὐκ ἐπιτρέπει τὰσ ἐπισκέψεισ τῶν χρησμῶν τοῖσ ἀνδράσι ποιεῖσθαι.

συνελόντι δ’ εἰπεῖν οὐδὲν οὕτω Ῥωμαῖοι φυλάττουσιν οὔθ’ ὅσιον κτῆμα οὔθ’ ἱερὸν ὡσ τὰ Σιβύλλεια θέσφατα. χρῶνται δ’ αὐτοῖσ, ὅταν ἡ βουλὴ ψηφίσηται, στάσεωσ καταλαβούσησ τὴν πόλιν ἢ δυστυχίασ τινὸσ μεγάλησ συμπεσούσησ κατὰ πόλεμον ἢ τεράτων τινῶν καὶ φαντασμάτων μεγάλων καὶ δυσευρέτων αὐτοῖσ φανέντων, οἱᾶ πολλάκισ συνέβη. οὗτοι διέμειναν οἱ χρησμοὶ μέχρι τοῦ Μαρσικοῦ κληθέντοσ πολέμου κείμενοι κατὰ γῆσ ἐν τῷ ναῷ τοῦ Καπιτωλίνου Διὸσ ἐν λιθίνῃ λάρνακι, ὑπ’ ἀνδρῶν δέκα φυλαττόμενοι.

μετὰ δὲ τὴν τρίτην ἐπὶ ταῖσ ἑβδομήκοντα καὶ ἑκατὸν ὀλυμπιάσιν ἐμπρησθέντοσ τοῦ ναοῦ, εἴτ’ ἐξ ἐπιβουλῆσ, ὡσ οἰόνταί τινεσ, εἴτ’ ἀπὸ ταὐτομάτου, σὺν τοῖσ ἄλλοισ ἀναθήμασι τοῦ θεοῦ καὶ οὗτοι διεφθάρησαν ὑπὸ τοῦ πυρόσ.

οἱ δὲ νῦν ὄντεσ ἐκ πολλῶν εἰσι συμφορητοὶ τόπων, οἱ μὲν ἐκ τῶν ἐν Ἰταλίᾳ πόλεων κομισθέντεσ, οἱ δ’ ἐξ Ἐρυθρῶν τῶν ἐν Ἀσίᾳ, κατὰ δόγμα βουλῆσ τριῶν ἀποσταλέντων πρεσβευτῶν ἐπὶ τὴν ἀντιγραφήν· οἱ δ’ ἐξ ἄλλων πόλεων καὶ παρ’ ἀνδρῶν ἰδιωτῶν μεταγραφέντεσ· ἐν οἷσ εὑρίσκονταί τινεσ ἐμπεποιημένοι τοῖσ Σιβυλλείοισ, ἐλέγχονται δὲ ταῖσ καλουμέναισ ἀκροστιχίσι· λέγω δ’ ἃ Τερέντιοσ Οὐάρρων ἱστόρηκεν ἐν τῇ θεολογικῇ πραγματείᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 62

(디오니시오스, Antiquitates Romanae, Books IV-VI, book 4, chapter 62)

상위

목록

SEARCH

MENU NAVIGATION