Dionysius of Halicarnassus, Antiquitates Romanae, Books IV-VI, book 4, chapter 15

(디오니시오스, Antiquitates Romanae, Books IV-VI, book 4, chapter 15)

διεῖλε δὲ καὶ τὴν χώραν ἅπασαν, ὡσ μὲν Φάβιόσ φησιν, εἰσ μοίρασ ἕξ τε καὶ εἴκοσιν, ἃσ καὶ αὐτὰσ καλεῖ φυλὰσ καὶ τὰσ ἀστικὰσ προστιθεὶσ αὐταῖσ τέτταρασ· ὡσ δὲ Οὐεννώνιοσ ἱστόρηκεν, εἰσ μίαν τε καὶ τριάκοντα, ὥστε σὺν ταῖσ κατὰ πόλιν οὔσαισ ἐκπεπληρῶσθαι τὰσ ἔτι καὶ εἰσ ἡμᾶσ ὑπαρχούσασ τριάκοντα καὶ πέντε φυλάσ· ἀξιοπιστότεροσ ὢν τριάκοντα φυλὰσ ἐπὶ Τυλλίου τὰσ πάσασ γενέσθαι λέγει καὶ οὐ χωρίζει τῶν μοιρῶν τὸν ἀριθμόν.

διελὼν δ’ οὖν ὁ Τύλλιοσ εἰσ ὁπόσασ δήποτε μοίρασ τὴν γῆν κατὰ τοὺσ ὀρεινοὺσ καὶ πολὺ τὸ ἀσφαλὲσ τοῖσ γεωργοῖσ παρέχειν δυνησομένοῦσ ὄχθουσ κρησφύγετα κατεσκεύασεν, Ἑλληνικοῖσ ὀνόμασιν αὐτὰ καλῶν Πάγουσ, ἔνθα συνέφευγον ἐκ τῶν ἀγρῶν ἅπαντεσ, ὁπότε γένοιτο πολεμίων ἔφοδοσ, καὶ τὰ πολλὰ διενυκτέρευον ἐνταῦθα.

ἄρχοντεσ δὲ καὶ τούτων ἦσαν, οἷσ ἐπιμελὲσ ἐγίνετο τά τ’ ὀνόματα τῶν γεωργῶν εἰδέναι τῶν συντελούντων εἰσ τὸν αὐτὸν πάγον, καὶ τὰσ κτήσεισ, ἐν αἷσ ὁ βίοσ αὐτῶν ἦν·

καὶ ὁπότε χρεία γένοιτο ἐπὶ τὰ ὅπλα τοὺσ χωρίτασ καλεῖν ἢ χρημάτων εἰσφορὰσ κατ’ ἄνδρα ἐκλέγειν, οὗτοι τά τε σώματα συνῆγον καὶ τὰ χρήματα εἰσέπραττον. ἵνα δὲ καὶ τούτων ἡ πληθὺσ μὴ δυσεύρετοσ, ἀλλ’ εὐλόγιστοσ ᾖ καὶ φανερά, βωμοὺσ ἐκέλευσεν αὐτοῖσ ἱδρύσασθαι θεῶν ἐπισκόπων τε καὶ φυλάκων τοῦ πάγου, οὓσ ἔταξε θυσίαισ κοιναῖσ γεραίρειν καθ’ ἕκαστον ἐνιαυτὸν ἅμα συνερχομένουσ, ἑορτήν τινα καὶ ταύτην ἐν τοῖσ πάνυ τιμίαν καταστησάμενοσ, τὰ καλούμενα Παγανάλια· καὶ νόμουσ ὑπὲρ τῶν ἱερῶν τούτων, οὓσ ἔτι διὰ φυλακῆσ ἔχουσι Ῥωμαῖοι, συνέγραψεν.

εἰσ δὲ τὴν θυσίαν ταύτην καὶ τὴν σύνοδον ἅπαντασ ἐκέλευσε τοὺσ ὁμοπάγουσ κατὰ κεφαλὴν ὡρισμένον νόμισμά τι συνεισφέρειν, ἕτερον μέν τι τοὺσ ἄνδρασ, ἕτερον δέ τι τὰσ γυναῖκασ, ἄλλο δέ τι τοὺσ ἀνήβουσ.

ἐξ οὗ συναριθμηθέντοσ ὑπὸ τῶν ἐφεστηκότων τοῖσ ἱεροῖσ φανερὸσ ὁ τῶν ἀνθρώπων ἀριθμὸσ ἐγίνετο κατὰ γένη τε καὶ καθ’ ἡλίκίασ. ὡσ δὲ Πείσων Λεύκιοσ ἐν τῇ πρώτῃ τῶν ἐνιαυσίων ἀναγραφῶν ἱστορεῖ, βουλόμενοσ καὶ τῶν ἐν ἄστει διατριβόντων τὸ πλῆθοσ εἰδέναι, τῶν τε γεννωμένων καὶ τῶν ἀπογινομένων καὶ τῶν εἰσ ἄνδρασ ἐγγραφομένων, ἔταξεν ὅσον ἔδει νόμισμα καταφέρειν ὑπὲρ ἑκάστου τοὺσ προσήκοντασ, εἰσ μὲν τὸν τῆσ Εἰλειθυίασ θησαυρόν, ἣν Ῥωμαῖοι καλοῦσιν Ἥραν φωσφόρον, ὑπὲρ τῶν γεννωμένων·

εἰσ δὲ τὸν τῆσ Ἀφροδίτησ τῆσ ἐν ἄλσει καθιδρυμένησ, ἣν προσαγορεύουσι Λιβιτίνην, ὑπὲρ τῶν ἀπογινομένων·

εἰσ δὲ τὸν τῆσ Νεότητοσ, ὑπὲρ τῶν εἰσ ἄνδρασ ἀρχομένων συντελεῖν· ἐξ ὧν ἤμελλε διαγνώσεσθαι καθ’ ἕκαστον ἐνιαυτόν, ὅσοι τε οἱ σύμπαντεσ ἦσαν καὶ τίνεσ ἐξ αὐτῶν τὴν στρατεύσιμον ἡλικίαν εἶχον. ταῦτα καταστησάμενοσ ἐκέλευσεν ἅπαντασ Ῥωμαίουσ ἀπογράφεσθαί τε καὶ τιμᾶσθαι τὰσ οὐσίασ πρὸσ ἀργύριον ὀμόσαντασ τὸν νόμιμον ὁρ́κον, ἦ μὲν τἀληθῆ καὶ ἀπὸ παντὸσ τοῦ βελτίστου τετιμῆσθαι, πατέρων τε ὧν εἰσι γράφοντασ καὶ ἡλικίαν ἣν ἔχουσι δηλοῦντασ γυναῖκάσ τε καὶ παῖδασ ὀνομάζοντασ καὶ ἐν τίνι κατοικοῦσιν ἕκαστοι τῆσ πόλεωσ φυλῇ ἢ πάγῳ τῆσ χώρασ προστιθέντασ·

τῷ δὲ μὴ τιμησαμένῳ τιμωρίαν ὡρ́ισε τῆσ τ’ οὐσίασ στέρεσθαι καὶ αὐτὸν μαστιγωθέντα πραθῆναι· καὶ μέχρι πολλοῦ διέμεινε παρὰ Ῥωμαίοισ οὗτοσ ὁ νόμοσ.

일치하는 문장이 없습니다.

SEARCH

MENU NAVIGATION