Dionysius of Halicarnassus, Antiquitates Romanae, Books IV-VI, book 4, chapter 7

(디오니시오스, Antiquitates Romanae, Books IV-VI, book 4, chapter 7)

ἔχει δὲ καὶ ἄλλασ τινὰσ τὸ πρᾶγμα ἀτοπίασ, ἃσ ἅπαντεσ ἠγνόησαν οἱ τὰ Ῥωμαϊκὰ συνταξάμενοι πλὴν ἑνόσ, οὗ μετὰ μικρὸν ἐρῶ τοὔνομα. ὡμολόγηται γάρ, ὅτι μετὰ τὴν Ταρκυνίου τελευτὴν παραλαβὼν τὴν βασιλείαν Τύλλιοσ ἐπ’ ἔτη τετταράκοντα καὶ τέτταρα κατέσχεν, ὥστ’ εἰ κατ’ ἐκεῖνον τὸν χρόνον ἑκτακαιεικοσαέτησ ἦν, ὅτ’ ἀπεστερεῖτο τῆσ ἀρχῆσ ὁ πρεσβύτεροσ τῶν Ταρκυνίων, ὑπὲρ ἑβδομήκοντα ἔτη γεγονὼσ ἄν ἦν, ὅτε τὸν Τύλλιον ἀπέκτεινεν.

ἐν κρατίστῃ δέ γ’ αὐτὸν ἡλικίᾳ τότ’ ὄντα παραδεδώκασιν οἱ συγγραφεῖσ καί φασιν, ὅτι Τύλλιον αὐτὸσ ἀράμενοσ ἐκ τοῦ βουλευτηρίου καὶ φέρων ἔξω κατὰ τῶν κρηπίδων ἐξέχεεν.

ἥ τ’ ἐκ τῆσ ἀρχῆσ ἔκπτωσισ αὐτοῦ γίνεται πέμπτῳ καὶ εἰκοστῷ μετὰ ταῦτ’ ἔτει, καὶ τούτῳ τῷ ἔτει στρατευόμενοσ ἐν τῷ πρὸσ Ἀρδεάτασ εἰσάγεται πολέμῳ καὶ πάντα τὰ ἔργα δι’ ἑαυτοῦ τελῶν· οὐκ εἶχε δὲ λόγον ἐν πολέμοισ ἐξετάζεσθαι ἓξ καὶ ἐνενήκοντα βεβιωκὼσ ἔτη. ἐκπεσών τε τῆσ ἀρχῆσ ἔτι πολεμεῖν Ῥωμαίοισ οὐκ ἐλάττω τεττάρων καὶ δέκα ἐτῶν, αὐτὸσ ἐν τοῖσ πράγμασιν ἐξεταζόμενοσ, ὥσ φασι, παρὰ τὰσ κοινὰσ ἁπάντων ἐστὶ δόξασ, καὶ ὁ τοῦ βίου χρόνοσ αὐτῷ πλείων ἀναφαίνεται τῶν ἑκατὸν καὶ δέκα γεγονὼσ ἐτῶν·

τοῦτο δὲ τὸ μῆκοσ τῶν βίων οὐ φέρουσιν οἱ καθ’ ἡμᾶσ τόποι.

ταῦτα δὴ τὰ ἄτοπα συνειδότεσ τῶν Ῥωμαϊκῶν συγγραφέων τινὲσ ἑτέραισ αὐτὰ λύειν ἐπειράθησαν ἀτοπίαισ, οὐ Τανακυλίδα ποιοῦντεσ μητέρα τῶν παιδίων, ἀλλὰ Γεγανίαν τινά, περὶ ἧσ οὐδεμίαν παρειλήφαμεν ἱστορίαν·

ἀώροσ δὴ γίνεται πάλιν ὁ γάμοσ τοῦ Ταρκυνίου μικρὸν ἀπολείποντοσ ἐτῶν ὀγδοήκοντα, καὶ ἡ τῶν τέκνων γένεσισ τοῖσ ταύτην ἔχουσι τὴν ἡλικίαν ἄπιστοσ· οὐδὲ γὰρ ἄπαισ ἦν, ὥστ’ ἐκ παντὸσ ἐπιθυμῆσαι τέκνων, ἀλλὰ θυγατέρεσ ἦσαν αὐτῷ δύο καὶ αὗταί γ’ ἤδη γεγαμημέναι. τούτων δὴ τῶν ἀδυνάτων τε καὶ ἀτόπων ἕκαστα ἐπιλογιζόμενοσ οὐχ υἱοὺσ εἶναι Ταρκυνίου γράφω τοὺσ παῖδασ, ἀλλ’ υἱωνούσ, Λευκίῳ Πείσωνι τῷ Φρῦγι συγκαταθέμενοσ.

ἐκεῖνοσ γὰρ ἐν ταῖσ ἐνιαυσίοισ πραγματείαισ ταῦθ’ ἱστόρηκε μόνοσ·

εἰ μή γ’ ἄρα γόνῳ μὲν ἦσαν υἱωνοὶ τοῦ βασιλέωσ οἱ παῖδεσ, ποιήσει δ’ υἱοί, καὶ τοῦτ’ ἦν αἴτιον τῆσ ἀπάτησ τοῖσ ἄλλοισ ἅπασι τοῖσ συγγράψασι τὰσ Ῥωμαϊκὰσ ἱστορίασ. προειρημένων δὴ τούτων καιρὸσ ἐπανάγειν ἐπὶ τὴν ἀπολειπομένην διήγησιν.

일치하는 문장이 없습니다.

SEARCH

MENU NAVIGATION