Dionysius of Halicarnassus, Antiquitates Romanae, Books IV-VI, book 4, chapter 47

(디오니시오스, Antiquitates Romanae, Books IV-VI, book 4, chapter 47)

τοιαύτῃ καταδρομῇ τοῦ Τύρνου χρησαμένου καὶ τῶν πολλῶν σφόδρα κινηθέντων ἐπὶ τοῖσ λόγοισ αἰτησάμενοσ εἰσ ἀπολογίαν ὁ Ταρκύνιοσ τὴν ἐπιοῦσαν ἡμέραν καὶ λαβών, ὡσ ὁ σύλλογοσ διελύθη, παρακαλέσασ τοὺσ ἀναγκαιοτάτουσ ἐσκόπει μετ’ ἐκείνων, τίνα χρηστέον τοῖσ πράγμασι τρόπον. οἱ μὲν οὖν ἄλλοι τοὺσ λόγουσ, οὓσ ἦν αὐτῷ λεκτέον ἐπὶ τῆσ ἀπολογίασ, ὑπετίθεντο καὶ τοὺσ τρόπουσ, οἷσ ἔδει τὸ πλῆθοσ ἀποθεραπεύειν, ἀπελογίζοντο. αὐτὸν τὸν κατηγορήσαντα ἀναιρεῖν.

ἐπαινεσάντων δὲ τὴν γνώμην ἁπάντων συνταξάμενοσ μετ’ αὐτῶν τὰ κατὰ τὴν ἐπίθεσιν πράγματι ἐπεχείρησεν ἥκιστα δυναμένῳ πεσεῖν εἰσ πρόνοιαν ἀνθρωπίνην καὶ φυλακήν. τῶν γὰρ παρακομιζόντων τά θ’ ὑποζύγια καὶ τὴν ἀποσκευὴν τοῦ Τύρνου θεραπόντων τοὺσ πονηροτάτουσ ἐξευρὼν καὶ διαφθείρασ χρήμασιν ἔπειθεν ὑπὸ νύκτα ξίφη πολλὰ παρ’ αὐτοῦ λαβόντασ εἰσενεγκεῖν εἰσ τὴν κατάλυσιν τοῦ δεσπότου καὶ ἀποθέσθαι κρύψαντασ ἐν τοῖσ σκευοφόροισ.

τῇ δ’ ἑξῆσ ἡμέρᾳ συναχθείσησ τῆσ ἐκκλησίασ παρελθὼν ὑπὲρ μὲν τῶν κατηγορηθέντων βραχεῖαν ἔλεγεν εἶναι τὴν ἀπολογίαν καὶ δικαστὴν ἁπάντων ἐποιεῖτο τῶν ἐγκλημάτων αὐτὸν τὸν κατήγορον.

οὑτοσὶ γάρ, ἔφη, Τύρνοσ, ὦ σύνεδροι, τούτων ὧν νυνί μου κατηγορεῖ πάντων δικαστὴσ γενόμενοσ αὐτὸσ ἀπέλυσέ με, ὅτε τὴν θυγατέρα τὴν ἐμὴν ἐβούλετο λαβεῖν γυναῖκα. ἐπεὶ δ’ ἀπηξιώθη τῶν γάμων κατὰ τὸ εἰκόσ·

τίσ γὰρ ἂν τῶν νοῦν ἐχόντων Μαμίλιον τὸν εὐγενέστατόν τε καὶ κράτιστον Λατίνων ἀπεώσατο, τοῦτον δὲ κηδεστὴν ἠξίωσε λαβεῖν, ὃσ οὐδ’ εἰσ τρίτον πάππον ἀνενεγκεῖν ἔχει τὸ γένοσ; ἀγανακτῶν ἐπὶ τούτῳ νῦν ἥκει μου κατηγορῶν. ἔδει δ’ αὐτόν, εἰ μὲν ᾔδει με τοιοῦτον ὄντα, οἱο͂ν νῦν αἰτιᾶται, μὴ προθυμεῖσθαι λαβεῖν τότε πενθερόν· εἰ δὲ χρηστὸν ἐνόμιζεν, ὅτε τὴν θυγατέρα με ᾐτεῖτο, μηδὲ νῦν ὡσ πονηροῦ κατηγορεῖν.

καὶ περὶ μὲν ἐμαυτοῦ τοσαῦτα λέγω·

ὑμῖν δ’, ὦ σύνεδροι, κινδύνων τὸν μέγιστον τρέχουσιν οὐ περὶ ἐμοῦ σκεπτέον ἐστὶ νυνί, πότερα χρηστὸσ ἢ πονηρόσ εἰμι· τουτὶ γὰρ ἐξέσται καὶ μετὰ ταῦθ’ ὑμῖν σκοπεῖν· ἀλλὰ περὶ τῆσ ὑμῶν αὐτῶν ἀσφαλείασ καὶ περὶ τῆσ τῶν πατρίδων ἐλευθερίασ. ἐπιβουλεύεσθε γὰρ οἱ κορυφαιότατοι τῶν ἐν ταῖσ πόλεσι καὶ τὰ κοινὰ πράττοντεσ ὑπὸ τοῦ καλοῦ τούτου δημαγωγοῦ, ὃσ παρεσκεύασταί τε τοὺσ ἐπιφανεστάτουσ ὑμῶν ἀποκτείνασ ἐπιθέσθαι τῇ Λατίνων ἀρχῇ καὶ ἐπὶ τοῦθ’ ἥκει. ταῦτα δ’ οὐκ εἰκάζων, ἀλλ’ ἀκριβῶσ ἐπιστάμενοσ λέγω μηνύσεώσ μοι γενομένησ ἐν τῇ παρελθούσῃ νυκτὶ ὑπό τινοσ τῶν μετεσχηκότων τῆσ συνωμοσίασ.

τεκμήριον δ’ ὑμῖν παρέξομαι τῶν λόγων ἔργον ἀναμφίλεκτον, ἐὰν ἐθελήσητε ἐλθεῖν ἐπὶ τὴν κατάλυσιν αὐτοῦ, τὰ κεκρυμμένα ἐν αὐτῇ δείξασ ὅπλα.

일치하는 문장이 없습니다.

SEARCH

MENU NAVIGATION