Dionysius of Halicarnassus, Antiquitates Romanae, Books IV-VI, book 4, chapter 56

(디오니시오스, Antiquitates Romanae, Books IV-VI, book 4, chapter 56)

τοσαύτησ δὴ γενόμενοσ ἐξουσίασ ὁ Σέξτοσ κύριοσ δι’ ἀπάτησ καὶ φενακισμοῦ τῶν θεραπόντων τινὰ λαθὼν τοὺσ Γαβίουσ πέμπει πρὸσ τὸν πατέρα τήν τ’ ἐξουσίαν, ἣν εἰληφὼσ ἦν, δηλώσοντα καὶ πευσόμενον, τί χρὴ ποιεῖν. ὁ δὲ Ταρκύνιοσ οὐδὲ τὸν θεράποντα γινώσκειν βουλόμενοσ, ἃ τὸν υἱὸν ἐκέλευσε ποιεῖν, ἄγων τὸν ἄγγελον προῆλθεν εἰσ τὸν παρακείμενον τοῖσ βασιλείοισ κῆπον· ἔτυχον δὲ μήκωνεσ ἐν αὐτῷ πεφυκυῖαι πλήρεισ ἤδη τοῦ καρποῦ καὶ συγκομιδῆσ ὡρ́αν ἔχουσαι·

διεξιὼν δὴ διὰ τούτων τῆσ ὑπερεχούσησ ἀεὶ μήκωνοσ τῷ σκήπωνι παίων τὴν κεφαλὴν ἀπήραττε. ταῦτα ποιήσασ ἀπέστειλε τὸν ἄγγελον οὐδὲν ἀποκρινάμενοσ τῷ πολλάκισ ἐπερωτῶντι, τὴν Θρασυβούλου τοῦ Μιλησίου διάνοιαν ὡσ ἔμοιγε δοκεῖ μιμησάμενοσ·

καὶ γὰρ ἐκεῖνοσ Περιάνδρῳ ποτὲ τῷ Κορινθίων τυράννῳ πυνθανομένῳ διὰ τοῦ πεμφθέντοσ ἀγγέλου, πῶσ ἂν ἐγκρατέστατα τὴν ἀρχὴν κατάσχοι, λόγον μὲν οὐδένα ἀπέστειλεν, ἀκολουθεῖν δὲ τὸν ἥκοντα παρ’ αὐτοῦ κελεύσασ, ἦγε δι’ ἀρούρασ σιτοσπόρου καὶ τοὺσ ὑπερέχοντασ τῶν σταχύων ἀποθραύων ἐρρίπτει χαμαὶ διδάσκων, ὅτι δεῖ τῶν ἀστῶν τοὺσ δοκιμωτάτουσ κολούειν τε καὶ διαφθείρειν.

καὶ πρὶν ἢ παθεῖν τι δεινὸν ἀπαίρειν ἐκ τῆσ πόλεωσ ἐβούλετο δακρύων ἅμα καὶ τὴν ἑαυτοῦ τύχην κατολοφυρόμενοσ, ὥσπερ οἱ κατ’ ἀλήθειαν ὑπὲρ τῆσ ψυχῆσ ἀγωνιῶντεσ.

일치하는 문장이 없습니다.

SEARCH

MENU NAVIGATION