Dionysius of Halicarnassus, Antiquitates Romanae, Books IV-VI, book 4, chapter 14

(디오니시오스, Antiquitates Romanae, Books IV-VI, book 4, chapter 14)

ὁ δὲ Τύλλιοσ, ἐπειδὴ τοὺσ ἑπτὰ λόφουσ ἑνὶ τείχει περιέλαβεν, εἰσ τέτταρασ μοίρασ διελὼν τὴν πόλιν καὶ θέμενοσ ἐπὶ τῶν λόφων ταῖσ μοίραισ τὰσ ἐπικλήσεισ, τῇ μὲν Παλατίνην, τῇ δὲ Σουβουράνην, τῇ δὲ τρίτῃ Κολλίνην, τῇ δὲ τετάρτῃ τῶν μοιρῶν Ἰσκυλίνην, τετράφυλον ἐποίησε τὴν πόλιν εἶναι, τρίφυλον οὖσαν τέωσ· ἑτέραν οἴκησιν μήτ’ ἄλλοθι που συντελεῖν, τάσ τε καταγραφὰσ τῶν στρατιωτῶν καὶ τὰσ εἰσπράξεισ τῶν χρημάτων τὰσ γινομένασ εἰσ τὰ στρατιωτικὰ καὶ τὰσ ἄλλασ χρείασ, ἃσ ἕκαστον ἔδει τῷ κοινῷ παρέχειν, οὐκέτι κατὰ τὰσ τρεῖσ φυλὰσ τὰσ γενικὰσ ὡσ πρότερον, ἀλλὰ κατὰ τὰσ τέτταρασ τὰσ τοπικὰσ τὰσ ὑφ’ ἑαυτοῦ διαταχθείσασ ἐποιεῖτο, ἡγεμόνασ ἐφ’ ἑκάστησ ἀποδείξασ συμμορίασ, ὥσπερ φυλάρχουσ ἢ κωμάρχασ, οἷσ προσέταξεν εἰδέναι, ποίαν οἰκίαν ἕκαστοσ οἰκεῖ.

ἔπειτα κατὰ πάντασ ἐκέλευσε τοὺσ στενωποὺσ ἐγκατασκευασθῆναι καλιάδασ ὑπὸ τῶν γειτόνων ἡρ́ωσι προνωπίοισ καὶ θυσίασ αὐτοῖσ ἐνομοθέτησεν ἐπιτελεῖσθαι καθ’ ἕκαστον ἐνιαυτὸν πελάνουσ εἰσφερούσησ ἑκάστησ οἰκίασ·

τοῖσ δὲ τὰ περὶ τῶν γεινόνων ἱερὰ συντελοῦσιν ἐν τοῖσ προνωπίοισ οὐ τοὺσ ἐλευθέρουσ, ἀλλὰ τοὺσ δούλουσ ἔταξε παρεῖναί τε καὶ συνιερουργεῖν, ὡσ κεχαρισμένησ τοῖσ ἡρ́ωσι τῆσ τῶν θεραπόντων ὑπηρεσίασ·

ἣν ἔτι καὶ καθ’ ἡμᾶσ ἑορτὴν ἄγοντεσ Ῥωμαῖοι διετέλουν ὀλίγαισ ὕστερον ἡμέραισ τῶν Κρονίων, σεμνὴν ἐν τοῖσ πάνυ καὶ πολυτελῆ, Κομπιτάλια προσαγορεύοντεσ αὐτὴν ἐπὶ τῶν στενωπῶν·

κομπίτουσ γὰρ τοὺσ στενωποὺσ καλοῦσι· καὶ φυλάττουσι τὸν ἀρχαῖον ἐθισμὸν ἐπὶ τῶν ἱερῶν, διὰ τῶν θεραπόντων τοὺσ ἡρ́ωασ ἱλασκόμενοι καὶ ἅπαν τὸ δοῦλον ἀφαιροῦντεσ αὐτῶν ἐν ταῖσ ἡμέραισ ἐκείναισ, ἵνα τῇ φιλανθρωπίᾳ ταύτῃ τιθασσευόμενοι μέγα τι καὶ σεμνὸν ἐχούσῃ χαριέστεροι γίνωνται περὶ τοὺσ δεσπότασ καὶ τὰ λυπηρὰ τῆσ τύχησ ἧττον βαρύνωνται.

일치하는 문장이 없습니다.

SEARCH

MENU NAVIGATION