헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 34)

περὶ δὲ τῆσ βασιλείασ, ἐπειδὴ τοῦτ’ ἐστιν, ὃ κατηγορεῖσ μου, ἄκουσον, ὅπωσ τ’ αὐτῆσ ἔτυχον, καὶ δι’ ἃσ αἰτίασ οὔθ’ ὑμῖν οὔτ’ ἄλλῳ τινὶ μεθίεμαι. ὅτε τῆν ἐπιμέλειαν τῆσ πόλεωσ παρέλαβον, αἰσθόμενοσ ἐπιβουλάσ τινασ κατ’ ἐμαυτοῦ γινομένασ, παραδοῦναι τῷ δήμῳ τὰ πράγματ’ ἐβουλήθην·

καὶ συναγαγὼν ἅπαντασ εἰσ ἐκκλησίαν ἀπεδίδουν αὐτοῖσ τὴν ἀρχὴν ἀντὶ τῆσ ἐπιφθόνου ταύτησ καὶ πλείω τὰ λυπηρὰ τῶν ἡδέων ἐχούσησ ἡγεμονίασ τὴν ἀκίνδυνον ἀντικαταλλασσόμενοσ ἡσυχίαν. οὐκ ἠνέσχοντο Ῥωμαῖοι ταῦτά μου πράττειν βουλομένου οὐδ’ ἠξίωσαν ἕτερόν τινα τῶν κοινῶν ἀποδεῖξαι κύριον, ἀλλ’ ἐμὲ κατέσχον καὶ τὴν βασιλείαν ἔδωκάν μοι ψῆφον ἐπενέγκαντεσ, τὴν ἑαυτῶν, Ταρκύνιε, κτῆσιν, οὐ τὴν ὑμετέραν·

ὥσπερ γε καὶ τὸν πάππον ὑμῶν παρήγαγον ἐπὶ τὰ πράγματα ξένον ὄντα καὶ οὐδὲν προσήκοντα τῷ πρότερον βασιλεῖ·

καίτοι παῖδάσ γ’ Ἄγκοσ Μάρκιοσ ὁ βασιλεὺσ κατέλιπεν ἀκμάζοντασ, οὐχ υἱωνοὺσ καὶ νηπίουσ, ὥσπερ ὑμᾶσ Ταρκύνιοσ. καὶ τὰ χρήματα τῶν ἐκλειπόντων βασιλέων σὺν τούτοισ καὶ τὰσ βασιλείασ αὐτῶν παραλαμβάνειν, οὐκ ἂν Ταρκύνιοσ ὁ πάπποσ ὑμῶν τὴν ἡγεμονίαν παρέλαβεν Ἄγκου τελευτήσαντοσ, ἀλλ’ ὁ πρεσβύτεροσ τῶν ἐκείνου παίδων.

ἀλλ’ ὁ δῆμοσ ὁ Ῥωμαίων οὐ τὸν διάδοχον τοῦ πατρόσ, ἀλλὰ τὸν ἄξιον τῆσ ἀρχῆσ ἐπὶ τὰ πράγματ’ ἐκάλει·

ἡγεῖτο γὰρ τὰ μὲν χρήματα τῶν κτησαμένων εἶναι, τὴν δὲ βασιλείαν τῶν δεδωκότων· καὶ τὰ μὲν ὅταν τι πάθωσιν οἱ κύριοι τοὺσ κατὰ γένοσ ἢ κατὰ διαθήκασ διαδόχουσ προσήκειν παραλαμβάνειν, τὴν δ’ ὅταν ἐκλίπωσιν οἱ λαβόντεσ τοὺσ δεδωκότασ ἔχειν· εἰ μή τι τοιοῦτον ἔχεισ δικαίωμα φέρειν, ὅτι τὴν βασιλείαν ὁ πάπποσ ὑμῶν ἐπὶ ῥητοῖσ τισι παρέλαβεν, ὥστε καὶ αὐτὸσ ἔχειν ἀναφαίρετον καὶ ὑμῖν τοῖσ ἐγγόνοισ καταλιπεῖν, καὶ ὁ δῆμοσ οὐ κύριοσ ἦν ἀφελόμενοσ αὐτὴν ὑμῶν ἐμοὶ δοῦναι. εἰ γάρ τι τοιοῦτον εἰπεῖν ἔχεισ, τί οὐ φέρεισ τὰσ συνθήκασ εἰσ μέσον;

ἀλλ’ οὐκ ἂν ἔχοισ. σοῦ.

ἀλλ’ οὔτε τούτουσ οὔτ’ ἄλλον οὐδένα ἀδικῶ. μάρτυσ δὲ τῆσ ἐκ τοῦ δικαίου μοι καὶ τότε δοθείσησ καὶ νῦν ὑπαρχούσησ ἐξουσίασ ὁ χρόνοσ, ἐν ᾧ τετταρακονταετεῖ γεγονότι Ῥωμαίων οὐδεὶσ ἡγήσατό με πώποτ’ ἀδικεῖν, οὐδ’ ἐκβαλεῖν με τῆσ ἀρχῆσ ἐπεχείρησεν οὔθ’ ὁ δῆμοσ οὔθ’ ἡ βουλή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 34

(디오니시오스, Antiquitates Romanae, Books IV-VI, book 4, chapter 34)

상위

목록

SEARCH

MENU NAVIGATION