Dionysius of Halicarnassus, Antiquitates Romanae, Books IV-VI, book 4, chapter 48

(디오니시오스, Antiquitates Romanae, Books IV-VI, book 4, chapter 48)

ὡσ δὲ ταῦτ’ εἶπεν, ἀνεβόησάν τε πάντεσ καὶ περὶ τοῖσ ἀνδράσι δεδιότεσ ἐλέγχειν τὸ πρᾶγμα καὶ μὴ φενακίζειν ἠξίουν. καὶ ὁ Τύρνοσ, οἱᾶ δὴ τὴν ἐπιβουλὴν οὐ προεγνωκώσ, ἄσμενοσ τὴν ἐξέτασιν ἔφη δέχεσθαι καὶ τοὺσ προέδρουσ ἐπὶ τὴν ἔρευναν τῆσ καταλύσεωσ ἐκάλει καὶ δυεῖν γενέσθαι θάτερον ἔφη δεῖν, ἢ αὐτὸσ ἀποθανεῖν, ἐὰν εὑρεθῇ παρεσκευασμένοσ ὅπλα ἔξω τῶν ἐνοδίων, ἢ τὸν καταψευσάμενον αὐτοῦ δίκην ὑποσχεῖν.

ἐδόκει ταῦτα· καὶ οἱ πορευθέντεσ ἐπὶ τὴν κατάλυσιν αὐτοῦ καταλαμβάνουσιν ἐν τοῖσ σκευοφόροισ τὰ κατακρυφθέντα ὑπὸ τῶν θεραπόντων ξίφη.

μετὰ τοῦτο τὸν μὲν Τύρνον οὐκέτι λόγου τυχεῖν ἐάσαντεσ εἰσ βάραθρόν τι καταβάλλουσι καὶ ἐπικατασκάψαντεσ ἔτι ζῶντοσ τὴν γῆν διαφθείρουσι παραχρῆμα. τὸν δὲ Ταρκύνιον ἐπαινέσαντεσ ἐπὶ τῆσ ἐκκλησίασ ὡσ κοινὸν εὐεργέτην τῶν πόλεων ἐπὶ τῷ σεσωκέναι τοὺσ ἀρίστουσ ἄνδρασ, ἡγεμόνα ποιοῦνται τοῦ ἔθνουσ ἐπὶ τοῖσ αὐτοῖσ τοῖσ δικαίοισ, ἐφ’ οἷσ Ταρκύνιόν τε τὸν πάππον αὐτοῦ πρότερον ἐποιήσαντο καὶ μετὰ ταῦτα Τύλλιον·

συνθήκασ τε γράψαντεσ ἐν στήλαισ καὶ περὶ φυλακῆσ τῶν συγκειμένων ὁρ́κια τεμόντεσ διέλυσαν τὸν σύλλογον.

일치하는 문장이 없습니다.

SEARCH

MENU NAVIGATION