헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 69)

καταφρονήσασ γὰρ ὁ Ταρκύνιοσ τῆσ δοκούσησ εἶναι περὶ αὐτόν, ἀλλ’ οὐ κατ’ ἀλήθειαν ὑπαρχούσησ μωρίασ, ἀφελόμενοσ ἅπαντα τὰ πατρῷα, μικρὰ δ’ εἰσ τὸν καθ’ ἡμέραν βίον ἐπιχορηγῶν, ὡσ παῖδα ὀρφανὸν ἐπιτρόπων ἔτι δεόμενον ἐφύλαττεν ὑφ’ ἑαυτῷ διαιτᾶσθαί τε μετὰ τῶν ἰδίων παίδων ἐπέτρεπεν, οὐ διὰ τιμήν, ὡσ ἐσκήπτετο πρὸσ τοὺσ πέλασ οἱᾶ δὴ συγγενήσ, ἀλλ’ ἵνα γέλωτα παρέχῃ τοῖσ μειρακίοισ λέγων τ’ ἀνόητα πολλὰ καὶ πράττων ὅμοια τοῖσ κατ’ ἀλήθειαν ἠλιθίοισ. καὶ δὴ καὶ ὅτε τῷ Δελφικῷ μαντείῳ χρησομένουσ ἀπέστελλε τοὺσ δύο τῶν παίδων Ἄρροντα καὶ Τίτον ὑπὲρ τοῦ λοιμοῦ·

κατέσκηψε γάρ τισ ἐπὶ τῆσ ἐκείνου βασιλείασ οὐκ εἰωθυῖα νόσοσ εἰσ παρθένουσ τε καὶ παῖδασ, ὑφ’ ἧσ πολλὰ διεφθάρη σώματα, χαλεπωτάτη δὲ καὶ δυσίατοσ εἰσ τὰσ κυούσασ γυναῖκασ αὐτοῖσ βρέφεσιν ἀποκτείνουσα τὰσ μητέρασ ἐν ταῖσ γοναῖσ· τήν τ’ αἰτίαν τῆσ νόσου γνῶναι παρὰ τοῦ θεοῦ καὶ τὴν λύσιν βουλόμενοσ συνέπεμψε κἀκεῖνον ἅμα τοῖσ μειρακίοισ δεηθεῖσιν, ἵνα κατασκώπτειν τε καὶ περιυβρίζειν ἔχοιεν.

ὡσ δὲ παρεγενήθησαν ἐπὶ τὸ μαντεῖον οἱ νεανίσκοι καὶ τοὺσ χρησμοὺσ ἔλαβον ὑπὲρ ὧν ἐπέμφθησαν, ἀναθήμασι δωρησάμενοι τὸν θεὸν καὶ τοῦ Βρούτου πολλὰ καταγελάσαντεσ, ὅτι βακτηρίαν ξυλίνην ἀνέθηκε τῷ Ἀπόλλωνι·

ὁ δὲ διατρήσασ αὐτὴν ὅλην ὥσπερ αὐλὸν χρυσῆν ῥάβδον ἐνέθηκεν οὐδενὸσ ἐπισταμένου· μετὰ τοῦτ’ ἠρώτων τὸν θεόν, τίνι πέπρωται τὴν Ῥωμαίων ἀρχὴν παραλαβεῖν, ὁ δὲ θεὸσ αὐτοῖσ ἀνεῖλε, τῷ πρώτῳ τὴν μητέρα φιλήσαντι. οἱ μὲν οὖν νεανίσκοι τοῦ χρησμοῦ τὴν διάνοιαν ἀγνοήσαντεσ συνέθεντο πρὸσ ἀλλήλουσ ἅμα φιλῆσαι τὴν μητέρα βουλόμενοι κοινῇ τὴν βασιλείαν κατασχεῖν, ὁ δὲ Βροῦτοσ συνεὶσ ὃ βούλεται δηλοῦν ὁ θεόσ, ἐπειδὴ τάχιστα τῆσ Ἰταλίασ ἐπέβη, προσκύψασ κατεφίλησε τὴν γῆν, ταύτην οἰόμενοσ ἁπάντων ἀνθρώπων εἶναι μητέρα.

τὰ μὲν οὖν προγενόμενα τῷ ἀνδρὶ τούτῳ τοιαῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 69

(디오니시오스, Antiquitates Romanae, Books IV-VI, book 4, chapter 69)

상위

목록

SEARCH

MENU NAVIGATION