헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 85)

βασιλεὺσ δὲ Ταρκύνιοσ ὡσ ἤκουσε παρὰ τῶν ἀπὸ τῆσ πόλεωσ ἀγγέλων, οἷσ ἐξεγένετο πρώτοισ πρὶν ἢ κλεισθῆναι τὰσ πύλασ διαδρᾶναι, τοσοῦτο μόνον ἀπαγγελλόντων, ὅτι κατέχει τὴν ἐκκλησίαν Βροῦτοσ δημαγωγῶν καὶ τοὺσ πολίτασ ἐπὶ τὴν ἐλευθερίαν παρακαλῶν, οὐδενὶ τῶν ἄλλων φράσασ ἠπείγετο τοὺσ υἱοὺσ ἀναλαβὼν καὶ τῶν ἑταίρων τοὺσ πιστοτάτουσ, ἐλαύνων τοὺσ ἵππουσ ἀπὸ ῥυτῆροσ, ὡσ φθάσων τὴν ἀπόστασιν. εὑρὼν δὲ κεκλεισμένασ τὰσ πύλασ καὶ μεστὰσ ὅπλων τὰσ ἐπάλξεισ ᾤχετο πάλιν ἐπὶ τὸ στρατόπεδον ὡσ εἶχε τάχουσ οἰμώζων καὶ δεινοπαθῶν.

ἔτυχε δὲ καὶ τἀκεῖ πράγματα ἤδη διεφθαρμένα.

οἱ γὰρ ὕπατοι ταχεῖαν αὐτοῦ τὴν παρουσίαν ἐπὶ τὴν πόλιν προορώμενοι πέμπουσι γράμματα καθ’ ἑτέρασ ὁδοὺσ πρὸσ τοὺσ ἐπὶ τοῦ στρατοπέδου παρακαλοῦντεσ αὐτοὺσ ἀποστῆναι τοῦ τυράννου καὶ τὰ δόξαντα τοῖσ ἐν ἄστει ποιοῦντεσ φανερά. ταῦτα τὰ γράμματα λαβόντεσ οἱ καταλειφθέντεσ ὑπὸ τοῦ βασιλέωσ ὕπαρχοι Τῖτοσ Ἑρμίνιοσ καὶ Μάρκοσ Ὁράτιοσ ἀνέγνωσαν ἐν ἐκκλησίᾳ·

ἐπειδὴ πᾶσιν ἐφάνη κύρια ἡγεῖσθαι τὰ κριθέντα ὑπὸ τῆσ πόλεωσ, οὐκέτι προσδέχονται παραγενηθέντα τὸν Ταρκύνιον.

ἀπωσθεὶσ δὴ καὶ ταύτησ ὁ βασιλεὺσ τῆσ ἐλπίδοσ φεύγει σὺν ὀλίγοισ εἰσ Γαβίων πόλιν, ἧσ βασιλέα τὸν πρεσβύτερον ἀπέδειξε τῶν υἱῶν Σέξτον, ὡσ καὶ πρότερον ἔφην·

ἡλικίαν μὲν ἤδη πολιὸσ ὤν, ἔτη δὲ πέντε καὶ εἴκοσι τὴν βασιλείαν κατασχών. οἱ δὲ περὶ τὸν Ἑρμίνιόν τε καὶ τὸν Ὁράτιον ἀνοχὰσ τοῦ πολέμου καταστησάμενοι πρὸσ τοὺσ Ἀρδεάτασ πεντεκαιδεκαετεῖσ ἀπήγαγον ἐπ’ οἴκου τὰσ δυνάμεισ. ἡ μὲν δὴ βασιλικὴ πολιτεία διαμείνασα μετὰ τὸν οἰκισμὸν τῆσ Ῥώμησ ἐτῶν τεττάρων καὶ τετταράκοντα καὶ διακοσίων ἀριθμόν, ἐπὶ δὲ τοῦ τελευταίου βασιλέωσ τυραννὶσ γενομένη, διὰ ταύτασ τὰσ προφάσεισ καὶ ὑπὸ τούτων κατελύθη τῶν ἀνδρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 85

(디오니시오스, Antiquitates Romanae, Books IV-VI, book 4, chapter 85)

상위

목록

SEARCH

MENU NAVIGATION