호흡부호 보기
강세부호 보기
장단부호 보기
작은 Iota 보기
모든 부호 보기
τυχὼν δὲ τῆσ Λατίνων ἡγεμονίασ ὁ Ταρκύνιοσ ἐπρεσβεύσατο καὶ πρὸσ τὰσ Ἑρνίκων πόλεισ καὶ πρὸσ τὰσ Οὐολούσκων προκαλούμενοσ κἀκείνουσ εἰσ φιλίαν τε καὶ συμμαχίαν. Ἕρνικεσ μὲν οὖν ἅπαντεσ ἐψηφίσαντο ποιεῖν τὴν συμμαχίαν, ἐκ δὲ τοῦ Οὐολούσκων ἔθνουσ δύο πόλεισ ἐδέξαντο μόναι τὰσ προκλήσεισ, Ἐχετρανοί τε καὶ Ἀντιᾶται. καθ’ ἕκαστον ἐνιαυτὸν εἰσ τὸν ἀποδειχθέντα τόπον πανηγυρίζωσι καὶ συνεστιῶνται καὶ κοινῶν ἱερῶν μεταλαμβάνωσιν.
ἀγαπητῶσ δὲ πάντων τὸ πρᾶγμα δεξαμένων τόπον μὲν ἀπέδειξεν, ἔνθα ποιήσονται τὴν σύνοδον ἐν μέσῳ μάλιστα τῶν ἐθνῶν κείμενον ὄροσ ὑψηλόν, ὃ τῆσ Ἀλβανῶν ὑπέρκειται πόλεωσ, ἐν ᾧ πανηγύρεισ τ’ ἀνὰ πᾶν ἔτοσ ἄγεσθαι καὶ ἐκεχειρίασ εἶναι πᾶσι πρὸσ πάντασ ἐνομοθέτησε θυσίασ τε συντελεῖσθαι κοινὰσ τῷ καλουμένῳ Λατιαρίῳ Διὶ καὶ συνεστιάσεισ, τάξασ ἃ δεῖ παρέχειν ἑκάστην πόλιν εἰσ τὰ ἱερά, καὶ μοῖραν, ἣν ἑκάστην δεήσει λαμβάνειν.
αἱ δὲ μετασχοῦσαι τῆσ ἑορτῆσ τε καὶ τῆσ θυσίασ πόλεισ τριῶν δέουσαι πεντήκοντα ἐγένοντο. ταύτασ τὰσ ἑορτάσ τε καὶ τὰσ θυσίασ μέχρι τῶν καθ’ ἡμᾶσ χρόνων ἐπιτελοῦσι Ῥωμαῖοι Λατίνασ καλοῦντεσ, καὶ φέρουσιν εἰσ αὐτὰσ αἱ μετέχουσαι τῶν ἱερῶν πόλεισ αἱ μὲν ἄρνασ, αἱ δὲ τυρούσ, αἱ δὲ γάλακτόσ τι μέτρον, αἱ δὲ ὅμοιόν τι τούτοισ ·
ἑνὸσ δὲ ταύρου κοινῶσ ὑπὸ πασῶν θυομένου μέροσ ἑκάστη τὸ τεταγμένον λαμβάνει. θύουσι δ’ ὑπὲρ ἁπάντων καὶ τὴν ἡγεμονίαν τῶν ἱερῶν ἔχουσι Ῥωμαῖοι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기